Ahmedabad News:સરદાર વલ્લભભાઈ પટેલ આંતરરાષ્ટ્રીય એરપોર્ટ (Airport) પર ફરી એકવાર સોનાની દાણચોરીનો મોટો કિસ્સો પ્રકાશમાં આવ્યો છે. કસ્ટમ વિભાગે દુબઈથી સ્પાઈસજેટ ફ્લાઇટ નંબર SG-16 પર મુસાફરી (Travel) કરી રહેલા એક મુસાફર પાસેથી 36.59 લાખ રૂપિયાનું 353 ગ્રામ સોનું જપ્ત કર્યું છે. આરોપીઓએ ચાલાકીપૂર્વક આ સોનું ટ્રોલી બેગમાં 82 એલ્યુમિનિયમ કોટેડ સ્ક્રૂના રૂપમાં છુપાવ્યું હતું, જેનાથી તે સામાન્ય ટ્રાવેલ બેગ જેવું દેખાતું હતું.
કસ્ટમ અધિકારીઓએ જણાવ્યું હતું કે આરોપીઓએ સોનાને એલ્યુમિનિયમ કોટેડ સ્ક્રૂના રૂપમાં છુપાવીને દાણચોરી કરવાનો પ્રયાસ કર્યો હતો. આ સ્ક્રૂ એવી રીતે ડિઝાઇન કરવામાં આવ્યા હતા કે તે સામાન્ય હાર્ડવેર સ્ક્રૂ જેવા દેખાતા હતા, જેથી તપાસ દરમિયાન કોઈને તેમના પર શંકા ન થાય.જોકે, કસ્ટમ વિભાગની તીક્ષ્ણ નજર અને અદ્યતન સ્કેનિંગ ટેકનોલોજીના ઉપયોગથી આ દાણચોરીનો ખુલાસો થયો. મુસાફરની ટ્રોલી બેગની તપાસ દરમિયાન આ સ્ક્રૂ મળી આવ્યા હતા, જેમાં વધુ તપાસમાં સોનું હોવાનું જાણવા મળ્યું હતું.
દુબઈથી અમદાવાદ પહોંચેલા મુસાફરને કસ્ટમ અધિકારીઓએ તાત્કાલિક અટકાયતમાં લીધો હતો. આરોપીની ઓળખ હજુ સુધી જાહેર કરવામાં આવી નથી, પરંતુ સૂત્રોનું માનવું છે કે આ દાણચોરીની ઘટના પાછળ કોઈ મોટું નેટવર્ક કામ કરી રહ્યું હોઈ શકે છે. કસ્ટમ વિભાગે આ કેસમાં વધુ તપાસ શરૂ કરી છે, આરોપીના સંપર્કો, સોનાના સ્ત્રોત અને તેના ગંતવ્ય સ્થાનને શોધવાનો પ્રયાસ કરી રહ્યા છે.
આ પણ વાંચો:અમદાવાદની ઘટનાને માંડ અઠવાડિયુ વીત્યુ ત્યાં સુરતમાં 10માં ધોરણની વિદ્યાર્થીની આત્મહત્યા
આ પણ વાંચો:અમદાવાદ વિમાન દુર્ઘટના પીડિતોના પરિવારો બોઇંગ સામે યુએસ કોર્ટમાં કાનૂની લડાઈ શરૂ કરશે
આ પણ વાંચો:અમદાવાદ-ધોલેરા હાઇવે પર વિદેશી દારૂ ભરેલા ટ્રક સાથે મયુર ગોહિલની કરાઇ ધરપકડ!
