હરિયાણાના નૂહમાં 31 જુલાઈના રોજ થયેલી હિંસા સાથે સંબંધિત એક વીડિયો સામે આવ્યો છે, જેમાં પહેલા એવો દાવો કરવામાં આવ્યો હતો કે બજરંગ દળના લોકો ફાયરિંગ કરી રહ્યા હતા. વીડિયોમાં જે લોકો હાથમાં બંદૂક સાથે દેખાઈ રહ્યા છે તેઓ બજરંગ દળના સભ્યો નહીં પરંતુ પોલીસ કર્મચારી હતા અને તેઓ સાદા યુનિફોર્મમાં હતા. 31 જુલાઈના રોજ જ્યારે હિંસા થઈ ત્યારે શોભાયાત્રામાં સામેલ લોકો પોતાનો જીવ બચાવવા મંદિરમાં છુપાઈ ગયા હતા. તોફાનીઓ પહાડો પર ચઢી ગયા હતા અને ત્યાંથી ગોળીબાર થઈ રહ્યો હતો. આ વીડિયો તે સમયનો છે. જ્યારે પોલીસની ટીમ 4 કલાક બાદ મંદિર પાસે પહોંચી હતી. એડીજી મમતા સિંહ પોલીસ ટીમ સાથે મંદિરમાં ફસાયેલા હજારો લોકોને બચાવવા ગયા હતા. આ વીડિયો તે સમયનો છે.
વીડિયોમાં હવામાં ફાયરિંગ કરતું કોણ જોવા મળ્યું?
જણાવી દઈએ કે જ્યારે આ ટીમ પહોંચી તો તે સમયે પણ તોફાનીઓ પહાડો પરથી ફાયરિંગ કરી રહ્યા હતા. જેના જવાબમાં પોલીસે હવામાં ફાયરિંગ કરીને તોફાનીઓને વિખેરવાનો પ્રયાસ કર્યો હતો. પહેલો વીડિયો 31મી જુલાઈનો છે. જેમાં સાદા યુનિફોર્મમાં પોલીસ મંદિર પાસે હાજર છે જે હિંસામાં ફસાયેલા લોકોને બચાવવા આવી હતી. તે જ દિવસની બીજી તસવીર જુઓ જ્યારે હિંસામાં ફસાયેલા લોકો પોતાનો જીવ બચાવવાનો પ્રયાસ કરી રહ્યા હતા.
નૂહ હિંસા પર મોટો ખુલાસો
નૂહ હિંસામાં વધુ એક મોટો ખુલાસો થયો છે. 31 જુલાઈના રોજ, બદમાશો બપોરે 12 વાગ્યે નૂહના હોડલ ચોકમાં એકઠા થયા હતા. ત્યારે તેમની સંખ્યા 25ની આસપાસ હતી. આ પછી આ બદમાશો હોડલ ચોકથી 2 કિમી દૂર આવેલા તિરંગા પાર્ક તરફ ગયા. જાણવા મળ્યું છે કે આ દરમિયાન 250 થી વધુ લોકો અલગ-અલગ જગ્યાએથી બદમાશોના જૂથમાં જોડાયા હતા અને જ્યારે બદમાશોનું ટોળું તિરંગા ચોક પર પહોંચ્યું ત્યારે તેમની સંખ્યા 250 થી વધુ હતી.
બદમાશોને કોણ આપતું હતું સૂચના?
બદમાશોની સાથે એક કાર પણ ચાલી રહી હતી અને આ કારમાંથી બદમાશોને સૂચના આપવામાં આવી રહી હોવાનું પણ બહાર આવ્યું છે. આ કારની નંબર પ્લેટ પર PB31 W4831 લખવામાં આવ્યું હતું, જે પંજાબના માનસા જિલ્લામાં નોંધાયેલ છે. નોહ હિંસા માટે 10 SITની રચના કરવામાં આવી છે. દરેક ટીમ પાંચ FIRની તપાસ કરશે. હાલમાં નૂહમાં તણાવ અકબંધ છે અને પરિસ્થિતિને કાબૂમાં રાખવા માટે સુરક્ષા દળો દ્વારા ફ્લેગ માર્ચ કરવામાં આવી હતી. હરિયાણાના ગૃહમંત્રી અનિલ વિજે કહ્યું છે કે મોનુ માનેસર સામે પણ કાર્યવાહી કરવામાં આવશે.
આ પણ વાંચો:Tomato Pricehike/અબ કી બાર 300 કે પારઃ ટામેટાના ભાવ પ્રતિ કિલોએ 259 રૂપિયા
આ પણ વાંચો:Article 370/જમ્મુ-કાશ્મીરમાંથી કલમ 370 હટાવી શકાય નહીં? કપિલ સિબ્બલે SCને આપ્યો આ જવાબ
આ પણ વાંચો:Haryana/હરિયાણાના CM મનોહર લાલ ખટ્ટરે કરી મોટી જાહેરાત, મુસ્લિમ બહુમતી વિસ્તાર નૂહમાં ગાયોની સુરક્ષા માટે જવાનો તૈનાત કરાશે!
