Ajab Gajab News: ભારતમાં એક ભૂતિયા ગામ (Ghost Village) છે જે 172 વર્ષથી ઉજ્જડ છે. લોકોની આ ગામ વિશે જુદી-જુદી માન્યતાઓ છે. ચાલો જાણીએ આ ભૂતિયા નગરની કહાની જે તમને પણ ડરાવી દેશે. તમે ભૂતની ગાથાઓ તો ઘણી વાર સાંભળી હશે પરંતુ ભૂત નગર વિશે શું જાણો છો. ભારતમાં એક એવી જગ્યા છે જેણે ભૂતિયા શહેર તરીકે ઓળખવામાં આવે છે. તે ભારતના રાજસ્થાનમાં જેસલમેરથી લગભગ 17 કિલોમીટર પશ્ચિમમાં છે. હવે તમે વિચારતા હશો કે આ શહેરનું નામ શું છે? જણાવી દઈએ કે તેનું નામ કુલધરા ગામ છે જેમાં કોઈ રહેતું નથી.
લોકો દ્વારા કહેવાય છે કે એક સમયે આ ગામમાં 1300થી વધારે પાલીવાલ બ્રાહ્મણો રહેતા હતા. આ ગામની સ્થાપના 13મી સદીમાં કરવામાં આવી હતી. પરંતુ આજે ત્યાં એક પણ વ્યક્તિ રહેતી નથી. આ ગામ લગભગ 172 વર્ષથી ઉજ્જડ છે. આ ગામ વિશે જુદી-જુદી માન્યતાઓ છે. કેટલાક લોકોનું કહેવું છે કે આ ગામમાં પાણીનો દુકાળ પડ્યો હતો, જેના કારણે રાતોરાત ગામ ખાલી કરવું પડ્યું હતું. બીજી એક માન્યતા છે કે જેસલમેર રાજ્યના મંત્રી સલીમ સિંહના કારણે ગામનો નાશ થયો હતો.
જાણીએ શું છે સલીમની વાર્તા. જેસલમેરના રાજ્ય મંત્રી સલીમ સિંહ વિશે એવું કહેવાય છે કે તેઓ ગામના લોકો સાથે ખૂબ જ કડક વર્તન કરતા હતા, જેના કારણે ગામના બધા લોકો નારાજ થઈને રાતોરાત ગામ છોડીને જતા રહ્યા અને તેમને શ્રાપ પણ આપ્યો અને તેથી આ શાપિત ગામ પણ કહેવાય છે.
આ પણ કહેવાય છે કે આ ગામમાં પેરાનોર્મલ પ્રવૃત્તિઓ થાય છે. જેના કારણે કોઈ પણ વ્યક્તિ રાત્રે ત્યાં રોકાઈ શકે તેમ નથી. આવી અનેક ઘટનાઓ આ ગામમાં થવાનું જાણવા મળે છે. આ ગામમાં ઘણા ઘરો છે પરંતુ હવે બધા જર્જરિત હાલતમાં છે. જો કે આજે રાજ્યના પુરાતત્વ વિભાગે આ ગામને રક્ષિત સ્મારક તરીકે જાહેર કર્યું છે. દિવસ દરમિયાન બહારથી મજબૂત દિલના લોકો ત્યાં જોવા મળે છે, પરંતુ સાંજે આખું ગામ ફરી નિર્જન બની જાય છે.
આ પણ વાંચો:છોકરીઓ આ દેશમાં બોયફ્રેન્ડને ભાડે રાખી રહી છે, કારણ જાણીને તમે ચોંકી જશો
આ પણ વાંચો:રડવાથી લઈને સૂવા સુધી, આ છે 5 વિચિત્ર નોકરીઓ!
આ પણ વાંચો:અનોખું ગામ અને અનોખા નામ, ભારતમાં આવેલું છે પ્રચલિત પણ વણસાંભળ્યું નામ
