પીએમ મોદી ભારતના વડાપ્રધાન હોવા ઉપરાંત યુવાનો માટે પણ રોલ મોડેલ છે. તાજેતરમાં જ પીએમ મોદી પર એક મુસ્લિમ યુવતીએ પીએચડી પૂર્ણ કર્યું છે. આ મુસ્લિમ યુવતી ઉત્તર પ્રદેશના વારાણસીની રહેવાસી છે. જેનું નામ નજમા પરવીન છે. મળતી માહિતી મુજબ, PM મોદી પર પીએચડી કરનાર નજમા પરવીન દેશની પહેલી મુસ્લિમ યુવતી છે. નઝમાએ કાશી હિંદુ યુનિવર્સિટીના પ્રોફેસર સંજય શ્રીવાસ્તવના માર્ગદર્શન હેઠળ પીએમ મોદી પર તેમનું સંશોધન પૂર્ણ કર્યું છે.
વારાણસીની નજમા પરવીને કહ્યું કે તેણે લગભગ 8 વર્ષમાં પીએમ મોદી પર સંશોધન પૂર્ણ કર્યું છે. નજમા પરવીનની આ પીએચડી 2014ની લોકસભા ચૂંટણીના ખાસ સંદર્ભ સાથે છે. પોતાના સંશોધન અંગે નજમા પરવીને કહ્યું કે આ સમય દરમિયાન તે પીએમ મોદીના જીવનથી ખૂબ પ્રભાવિત થઈ છે. નજમા પરવીને કહ્યું કે તેમના સંશોધન દરમિયાન તેમને ખબર પડી કે વડાપ્રધાન નરેન્દ્ર મોદીનું જીવન ઘણા સંઘર્ષોથી ભરેલું છે.
નજમા પરવીને જણાવ્યું કે તેણે પીએમ મોદી પર આ રિસર્ચ વર્ષ 2014માં શરૂ કર્યું હતું, જે તેણે 1 નવેમ્બર 2023ના રોજ પૂરું કર્યું. તેમના સંશોધન દરમિયાન નઝમાએ નરેન્દ્ર મોદીના લગભગ તમામ રાજકીય પાસાઓ પર સંશોધન કર્યું છે. જેમાં ‘PM Modi’s Political Leadership – An Analytical Study’નો સમાવેશ થાય છે.BHUના ઈતિહાસ વિભાગના પ્રોફેસર રાજીવે PM મોદી પરના તેમના સંશોધન માટે નઝમાના વખાણ કર્યા અને PM મોદી પરના તેમના સંશોધનને ઐતિહાસિક પગલું ગણાવ્યું. રાજીવે એમ પણ કહ્યું કે નજમા પરવીનનું આ સંશોધન સાબિત કરે છે કે મુસ્લિમોમાં પણ પીએમ મોદીની સ્વીકૃતિ ઘણી વધારે છે.
