સોશિયલ મીડિયા પર ઘણીવાર એવા વીડિયો વાયરલ થઈ જાય છે, જેને જોઈને તમે વિચારવા પર મજબૂર થઈ જાઓ છો. હાલમાં જ એક મહિલા સાંસદનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. હકીકતમાં, લોકશાહી દેશોમાં ચૂંટાયેલા સાંસદો અને ધારાસભ્યો દ્વારા સરકાર ચલાવે છે. લોકોના ભલા માટે કામ કરવાની તેમની જવાબદારી છે. પરંતુ ઘણા નેતાઓનું વલણ પ્રજા પ્રત્યે બેજવાબદાર બની જાય છે. આવા જ એક મહિલા સાંસદનો વીડિયો સામે આવ્યો છે.
ઈન્ટરનેશનલ મીડિયા રિપોર્ટ્સ અનુસાર, મલેશિયાના મહિલા સાંસદ સંસદમાં ઓનલાઈન શોપિંગ કરતાં જોવા મળ્યા હતા. આ મહિલા ગૃહની અંદર ઓનલાઈન શોપિંગ કરતાં કેમેરામાં કેદ થયા હતા. આ પછી આ મહિલા સાંસદની તસવીરો વિપક્ષી પાર્ટીના નેતાઓએ ટ્વિટર પર શેર કરી હતી.
હાલમાં જ મલેશિયાના પૂર્વ સાંસદ વી ચુ કેઓંગે પોતાના ટ્વિટર એકાઉન્ટ પર મહિલા સાંસદની તસવીર શેર કરી છે. આ મહિલા સાંસદનું નામ ગાઝી બુટા છે. આ તસવીરમાં મહિલા સાંસદ પોતાના લેપટોપમાંથી ‘જીન્સ અને ટોપ’ ઓર્ડર કરતાં જોવા મળી રહ્યા છે. એક ટ્વિટમાં મલેશિયાના પૂર્વ સાંસદે મહિલા પર કોઈ કામ ન કરતી વખતે મફત પગાર લેવાનો આરોપ લગાવ્યો હતો. વી ચુ કેઓંગે આગળ લખ્યું કે, ‘સંસદ હવે ‘સર્કસ’ બની ગઈ છે.
હવે આ મહિલા સાંસદની તસવીર સોશિયલ મીડિયા પર ઝડપથી વાયરલ થઈ રહી છે. મલેશિયાના પૂર્વ વડાપ્રધાન દાતુક સેરી નજીબ રઝાકે પણ આ તસવીર શેર કરી છે. તેમણે આ તસવીરના કેપ્શનમાં લખ્યું, ‘શું તમે જાણો છો કે મહિલા સાંસદો તેમની સરકાર બન્યા બાદ વસ્તુઓની કિંમતમાં વધારો જોઈ રહી છે? તે જ સમયે, જ્યારે મામલો ગરમાયો, ત્યારે મહિલા સાંસદે કહ્યું કે ‘આ તેમના લેપટોપ પરની જાહેરાતની ઝલક છે’.
તે જ સમયે, સોશિયલ મીડિયા યુઝર્સ આ તસવીર પર ફની કોમેન્ટ કરી રહ્યા છે. ઘણા લોકો મહિલા સાંસદના આવા વર્તનની ટીકા કરી રહ્યા છે.
આ પણ વાંચો :ધમાકા નો અવાજ સાંભળીને સુન્ન થઈ ગયા ગોરિલ્લા માતા – પુત્ર, પછી જે થયું..
આ પણ વાંચો : સાત દિવસમાં 10 લાખ લોકોએ યુક્રેન છોડ્યું,આ સંખ્યામાં વધારો થઇ શકે છે..
આ પણ વાંચો :રાષ્ટ્રપતિ પુતિનને મારવા માટે રશિયાના જ ઉધોગપતિએ કર્યું ઇનામનું એલાન,જાણો
આ પણ વાંચો :પાકિસ્તાનમાં બોમ્બ વિસ્ફોટમાં ત્રણના મોત, 24 ઘાયલ
