AAP Split 2026: અરવિંદ કેજરીવાલની આમ આદમી પાર્ટી (AAP) માટે રાષ્ટ્રીય સ્તરે અત્યાર સુધીનો સૌથી મોટો આંચકો લાગ્યો છે. રાજ્યસભા સચિવાલયે સત્તાવાર નોટિફિકેશન બહાર પાડીને રાઘવ ચઢ્ઢા સહિતના તમામ 7 બાગી સાંસદોને ભારતીય જનતા પાર્ટી (BJP) ના સાંસદ તરીકે માન્યતા આપી દીધી છે. આ સાથે જ રાજ્યસભામાં સમીકરણો બદલાયા છે અને ભાજપનું સંખ્યાબળ વધીને 113 થઈ ગયું છે.
MPs Raghav Chadha, Ashok Kumar Mittal, Harbhajan Singh, Sandeep Kumar Pathak, Dr. Vikramjit Singh Sahney, Swati Maliwal and Rajinder Gupta, who quit AAP to join BJP on 24th April, are now listed among the 113 Rajya Sabha MPs of BJP pic.twitter.com/Etof1vbb5g
— ANI (@ANI) April 27, 2026
સંજય સિંહની રજૂઆત ફગાવી દેવાઈ
આ અગાઉ રવિવારે (26 April 2026) સંજય સિંહે રાજ્યસભાના સભાપતિ સી.પી. રાધાકૃષ્ણનને પત્ર લખીને આ સાંસદોને અયોગ્ય જાહેર કરવાની માંગ કરી હતી. તેમણે આને પંજાબની જનતા સાથે વિશ્વાસઘાત ગણાવ્યો હતો. જોકે, સચિવાલયે બે-તૃતીયાંશ (2/3) સભ્યોના વિલયની બંધારણીય જોગવાઈને ગ્રાહ્ય રાખી ‘આપ’ની દલીલો ફગાવી દીધી છે.
રાઘવ ચઢ્ઢાનો પ્રહાર: “ખોટી પાર્ટીમાં સાચો માણસ હતો”
ભાજપમાં વિધિવત જોડાયા બાદ રાઘવ ચઢ્ઢાએ (AAP) કેજરીવાલ પર આકરા પ્રહારો કર્યા છે:
સિદ્ધાંતોનો ભોગ: ચઢ્ઢાએ કહ્યું કે AAP પાર્ટીને તેમણે 15 વર્ષ આપ્યા તે હવે નૈતિક મૂલ્યોથી ભટકી ગઈ છે.
અંગત સ્વાર્થ: તેમણે આક્ષેપ કર્યો કે હવે પાર્ટી રાષ્ટ્રીય હિતને બદલે અંગત સ્વાર્થ માટે કામ કરી રહી છે.
કોણ કોણ જોડાયું ભાજપમાં?
રાઘવ ચઢ્ઢાની આગેવાનીમાં ભાજપમાં જોડાનાર સાંસદોમાં નીચેના નામો સામેલ છે:
હરભજન સિંહ
રાજેન્દ્ર ગુપ્તા
વિક્રમજીત સિંહ સાહની
સ્વાતિ માલીવાલ
સંદીપ પાઠક
અશોક મિત્તલ
આ મોટા ભંગાણ બાદ રાજ્યસભામાં AAP નું કદ ઘટીને માત્ર 3 સાંસદો સુધી મર્યાદિત થઈ ગયું છે, જે પાર્ટીના રાષ્ટ્રીય પ્રભાવ માટે મોટો ખતરો છે.
