New Delhi News : દિલ્હીમાં કોંગ્રેસના સાંસદ સુધા રામકૃષ્ણનના ગળામાંથી કોઈ ગઠિયો ચેઈન ખેંચીને ફરાર થઈ જતા ચકચાર મચી છે. આ બનાવ સોમવારે સવારે 6 વાગ્યે તમિલનાડુ ભવન પાસે બની હતી. તેઓ ડીએમકે સાંસદ રાજથી સાથે ફરવા જઈ રહ્યા હતા ત્યારે સ્કૂટી પર સવાર એક બદમાશે આ ગુનો કર્યો હતો. આ અમતે તેમણે ગૃહમંત્રીને પત્ર પણ લખ્યો છે.
સાંકળ ખેંચાઈ જવાને કારણે સાંસદને ગળામાં ઈજા થઈ હતી. દિલ્હી પોલીસે કેસ નોંધીને કાર્યવાહી શરૂ કરી છે. સુધાએ પત્ર લખીને પોલીસ, સ્પીકર અને ગૃહ મંત્રાલયને ફરિયાદ કરી છે. ગૃહમંત્રી અમિત શાહને લખેલા પત્રમાં તેમણે કહ્યું, ‘મેં મારી ચાર સોવરિન (લગભગ 32 ગ્રામ) થી વધુ વજનની સોનાની સાંકળ ગુમાવી દીધી છે અને આ ગુનાહિત હુમલાથી હું ખૂબ જ આઘાત પામી છું.’
સુધા તમિલનાડુના મયિલાદુથુરાઈથી કોંગ્રેસ સાંસદ છે. તેઓ હાલમાં સંસદના ચોમાસુ સત્રમાં હાજરી આપવા માટે દિલ્હીમાં છે. ચાણક્યપુરીમાં જ્યાં તેમની ચેઈન છીનવાઈ હતી તે વિસ્તાર દિલ્હીના સૌથી સુરક્ષિત સ્થળોમાંનો એક માનવામાં આવે છે. અહીં રાજ્ય સરકારોના ઘણા દૂતાવાસો અને સત્તાવાર રહેઠાણો છે.સાંસદે કહ્યું- બદમાશ ચહેરો ઢાંકીને સ્કૂટર પર આવ્યો હતો પોલીસમાં નોંધાવેલી ફરિયાદમાં, કોંગ્રેસ સાંસદે જણાવ્યું હતું કે આ ઘટના સોમવારે સવારે 6.15-6.20 વાગ્યાની વચ્ચે બની હતી. તે ચાણક્યપુરીમાં પોલીશ દૂતાવાસના ગેટ-3 અને ગેટ-4 પાસે ડીએમકે સાંસદ રાજાથી સાથે મોર્નિંગ વોક લઈ રહી હતી.
ફરિયાદ મુજબ, આ દરમિયાન સ્કૂટી પર સવાર એક વ્યક્તિ ધીમે ધીમે સામેથી સાંસદ સુધા રામકૃષ્ણન તરફ આવ્યો. આરોપીએ હેલ્મેટ પહેર્યું હતું અને તેનો ચહેરો સંપૂર્ણપણે ઢંકાયેલો હતો. તે સાંસદની નજીક પહોંચી ગયો અને તેમના ગળામાંથી સોનાની ચેઈન છીનવીને ભાગી ગયો.
સાંસદ સુધાએ જણાવ્યું કે આ દરમિયાન તેમના ગળામાં ઈજા થઈ હતી અને તેમના કપડાં પણ ફાટી ગયા હતા. કોઈક રીતે અમે પડવાનું ટાળવામાં સફળ રહ્યા અને અમે બંનેએ મદદ માટે બૂમો પાડી. અમે દિલ્હી પોલીસનું પેટ્રોલિંગ વાહન જોયું, જેની અમે ફરિયાદ કરી.
સુધાએ ગૃહમંત્રીને કહ્યું- દિલ્હીમાં મહિલાઓ સુરક્ષિત નથી કોંગ્રેસ સાંસદ સુધાએ અમિત શાહને લખેલા પત્રમાં લખ્યું છે કે, ‘ ચાણક્યપુરી જેવા ઉચ્ચ સુરક્ષા ક્ષેત્રમાં, જ્યાં ઘણા દૂતાવાસો અને સંરક્ષિત સંસ્થાઓ છે, એક મહિલા સાંસદ પર આ પ્રકારનો હુમલો ખૂબ જ આઘાતજનક છે. જો દિલ્હીના આ ઉચ્ચ સુરક્ષા ક્ષેત્રમાં એક મહિલા સુરક્ષિત રીતે ચાલી શકતી નથી, તો પછી આપણે બીજે ક્યાં સુરક્ષિત અનુભવી શકીએ?’
સુધાએ કહ્યું, ‘મહિલાઓ પોતાની સલામતી, જીવન અને કિંમતી વસ્તુઓની ચિંતા કર્યા વિના પોતાનું કામ કેવી રીતે કરી શકે?’ સાંસદે શાહ પાસે ગુનેગારોને શક્ય તેટલી વહેલી તકે શોધી કાઢવા અધિકારીઓને નિર્દેશ આપવાની માંગ કરી અને કહ્યું, ‘કૃપા કરીને ખાતરી કરો કે મારી સોનાની ચેઈન પરત મળે અને મને ન્યાય મળે.’
આ પણ વાંચો:નેશનલ હેરાલ્ડ કેસમાં સોનિયા અને રાહુલ ગાંધી વિરુદ્ધ EDની મોટી કાર્યવાહી
આ પણ વાંચો:રાહુલ ગાંધી આજે ગુજરાત આવશે, આ અભિયાનનો કરાવશે પ્રારંભ
આ પણ વાંચો:અમદાવાદ સંમેલન પછી, રાહુલ ગાંધી ફરીથી ગુજરાત પહોંચશે અને ‘નવી કોંગ્રેસ’ બનાવવાનું શરૂ કરશે
