અભિનેતા રણવીર સિંહ સ્ટારર ફિલ્મ 83 ટૂંક સમયમાં OTT પ્લેટફોર્મ Netflix અને Hotstar પર પ્રસારિત થશે. સૂત્રોના જણાવ્યા અનુસાર આ ફિલ્મ OTT પર 18 કે 25 ફેબ્રુઆરીએ રિલીઝ થશે. તમને જણાવી દઈએ કે આ ફિલ્મ 24 ડિસેમ્બરે સિનેમાઘરોમાં રિલીઝ થઈ હતી. પરંતુ ફિલ્મે એટલી કમાણી કરી ન હતી જેટલી ફિલ્મ વિશે વિચારવામાં આવી હતી. ફિલ્મ રિલીઝ થયા બાદ મેકર્સ ખૂબ જ નિરાશ છે.
આ ફિલ્મને ઘણા દિવસોથી OTT પર રિલીઝ કરવાની વિચારણા ચાલી રહી હતી. ફિલ્મના દિગ્દર્શક કબીર ખાન છે. ફિલ્મના હિન્દી વર્ઝનના અધિકારો લીધા છે, જ્યારે તેના તમિલ, તેલુગુ, કન્નડ અને મલયાલમ વર્ઝન હોટસ્ટાર પાસે છે.
આ પણ વાંચો:ભીષણ આગ / બિગ બોસના સેટ પર લાગી ભીષણ આગ,ફાયરની 4 ગાડીઓ ઘટનાસ્થળે
લોકોને ફિલ્મમાં રણવીર સિંહનો અભિનય ઘણો પસંદ આવ્યો હતો અને ફિલ્મ જોવા માટે ઉત્સાહિત પણ હતા. ફિલ્મનું ટ્રેલર અને સ્ટોરી જોયા બાદ ફિલ્મ સમીક્ષકોએ પણ કહ્યું કે તે ખૂબ જ સારો પ્રતિસાદ આપશે. પરંતુ કોરોનાના કેસ વધતા દિલ્હીમાં થિયેટર બંધ કરી દેવામાં આવ્યા હતા. જેના કારણે ફિલ્મને સારો પ્રતિસાદ મળ્યો નથી.
ફિલ્મના ડાયરેક્ટર કબીર ખાને એક ઈન્ટરવ્યુ દરમિયાન કહ્યું હતું કે, “ફિલ્મ 18 મહિના પહેલા પૂરી થઈ હતી. અમે ઇચ્છીએ છીએ કે લોકો તેને મોટી સ્ક્રીન પર જુએ કારણ કે તે તેના માટે જ બનાવવામાં આવ્યું હતું. અમે સમયસર ફિલ્મ રીલિઝ થાય તે માટે તમામ પ્રયાસ કર્યા હતા. પરંતુ જે દિવસે ફિલ્મ રિલીઝ થઈ, કોવિડના કેસ વધી ગયા. તમને જણાવી દઈએ કે કબીર ખાને સિનેમાઘરોમાં ફિલ્મની રિલીઝ માટે લાંબા સમયથી રાહ જોઈ હતી, પરંતુ નસીબે તેમનો સાથ આપ્યો ન હતો.
આ પણ વાંચો:Illegal sand mining case / પંજાબના મુખ્યમંત્રી ચન્નીને ગેરકાયદેસર રેતી ખનન કેસમાં DMએ આપી કલીન ચીટ
