પાકિસ્તાનની મુશ્કેલીમાં વધારો થઈ રહ્યો છે. આતંકવાદીઓએ પાકિસ્તાનના બીજા સૌથી મોટા નેવલ એરબેઝ પર બીજી વખત હુમલો કર્યો છે. નેવલ બેઝ ગોળીઓ અને બોમ્બ વિસ્ફોટના અવાજથી ખળભળાટ મચ્યો છે. બલૂચિસ્તાન પોસ્ટ અનુસાર, આ હુમલો બલૂચિસ્તાનના તુર્બત સ્થિત PNS સિદ્દીકી નેવલ એર સ્ટેશન પર થયો હતો. પ્રતિબંધિત બલૂચિસ્તાન લિબરેશન આર્મી (BLA)ના માજીદ બ્રિગેડે તુર્બતમાં નેવલ એરબેઝ પર થયેલા હુમલાની જવાબદારી લીધી છે.
મીડિયા અહેવાલ અનુસાર આંતકવાદીઓ એરબેઝમાં ઘૂસી ગયા છે. વાસ્તવમાં, મજીદ બ્રિગેડ બલૂચિસ્તાન પ્રાંતમાં ચીનના રોકાણનો વિરોધ કરે છે અને ચીન અને પાકિસ્તાન પર તે ક્ષેત્રના સંસાધનોનું શોષણ કરવાનો આરોપ લગાવી રહી છે. BLAએ પણ આ બેઝને નિશાન બનાવ્યું છે કારણ કે તે સૈન્ય મથક પર ચીની ડ્રોન તૈનાત છે. તુર્બતમાં તાજેતરનો હુમલો BLA મજીદ બ્રિગેડ દ્વારા અઠવાડિયામાં બીજો અને આ વર્ષે ત્રીજો હુમલો છે. અગાઉ 29 જાન્યુઆરીએ તેણે ગ્વાદરને નિશાન બનાવ્યું હતું, જ્યાં લશ્કરી ગુપ્તચર મુખ્યાલય આવેલું છે. જે બાદ 20 માર્ચે તુર્બત સ્થિત બીજા સૌથી મોટા નેવલ એરબેઝ પર હુમલો કરવામાં આવ્યો હતો. 20 માર્ચે, પાકિસ્તાનના ગ્વાદર પોર્ટ ઓથોરિટી કોમ્પ્લેક્સમાં અનેક વિસ્ફોટો અને ગોળીબારના અહેવાલો પછી શરૂ થયેલી લડાઇમાં ઓછામાં ઓછા બે પાકિસ્તાની સૈનિકો અને આઠ આતંકવાદીઓ માર્યા ગયા હતા.
પાકિસ્તાનના ઇન્ટર-સર્વિસ પબ્લિક રિલેશન્સે એક નિવેદનમાં જણાવ્યું હતું કે આઠ આતંકવાદીઓના એક જૂથે પોર્ટ ઓથોરિટી કોલોનીમાં પ્રવેશવાનો પ્રયાસ કર્યો હતો, પરંતુ સુરક્ષા દળો દ્વારા “સફળતાપૂર્વક નિષ્ફળ” કરવામાં આવ્યો હતો. જણાવી દઈએ કે ગ્વાદર પોર્ટ ચીન દ્વારા નિયંત્રિત છે અને તે ચીન-પાકિસ્તાન ઈકોનોમિક કોરિડોર (CPEC)નો મહત્વપૂર્ણ ભાગ અને મહત્વપૂર્ણ સ્થાન છે. ચીન અહીં અબજો ડોલરના રોડ અને એનર્જી પ્રોજેક્ટ બનાવી રહ્યું છે. તે બેલ્ટ એન્ડ રોડ ઇનિશિયેટિવ (બીઆરઆઈ)નો પણ એક ભાગ છે પરંતુ બલૂચિસ્તાનના લોકો તેને તેમના સંસાધનો પર ચીનના કબજા તરીકે જુએ છે. બલોચનો આરોપ છે કે ગ્વાદરમાં ચાલી રહેલા ચીની પ્રોજેક્ટ્સથી ચીનને ફાયદો થશે. આમાં સ્થાનિક હિતોની અવગણના કરવામાં આવી રહી છે.
ન્યૂઝ એજન્સીના અહેવાલ મુજબ પ્રતિબંધિત આતંકવાદી સંગઠન તહરીક-એ-તાલિબાન પાકિસ્તાને નવેમ્બર 2022માં સરકાર સાથે યુદ્ધવિરામ સમાપ્ત કર્યા પછી ખૈબર પખ્તુનખ્વા અને બલૂચિસ્તાનમાં આતંકવાદી પ્રવૃત્તિઓમાં મોટાપાયે વધારો જોવા મળ્યો છે.
આ પણ વાંચોઃ IPLની 17મી સીઝન છે ખાસ, સ્ટોપ લોક-એક ઓવરમાં બે બાઉન્સર સહિત નિયમો બદલાયા
આ પણ વાંચોઃ IPL 2024/IPL 2024ના બીજા તબક્કાનું શેડ્યુલ જાહેર
આ પણ વાંચોઃ Delhi Capitals/IPL 2024માં દિલ્હી કેપિટલ્સ સાથે જોડાયો સ્ટાર ખેલાડી
આ પણ વાંચોઃ Border–Gavaskar Trophy/બોર્ડર-ગાવસ્કર ટ્રોફી માટે લેવાયો આ મહત્વનો નિર્ણય