નવી દિલ્હીઃ IPL 2024માં દિલ્હી કેપિટલ્સની શરૂઆત કંઈ ખાસ રહી નથી. ટીમને સિઝનની પ્રથમ મેચમાં પંજાબ કિંગ્સ સામે હારનો સામનો કરવો પડ્યો હતો. પરંતુ લીગની આગામી મેચ પહેલા દિલ્હી કેપિટલ્સ માટે મોટા સમાચાર આવ્યા છે. આઈપીએલની આ સિઝન માટે એક સ્ટાર ખેલાડી ટીમ સાથે જોડાયો છે.
આ ખેલાડી દિલ્હી કેપિટલ્સમાં જોડાયો
દક્ષિણ આફ્રિકાનો ઝડપી બોલર એનરિક નોરખિયા ઈન્ડિયન પ્રીમિયર લીગ (આઈપીએલ)ની 17મી સીઝન માટે દિલ્હી કેપિટલ્સના કેમ્પમાં જોડાયો છે. જમણા હાથનો ફાસ્ટ બોલર તાજેતરમાં પીઠની ઈજામાંથી સાજો થયો છે જેના કારણે તેને દક્ષિણ આફ્રિકાની વર્લ્ડ કપ 2023ની ટીમમાં સ્થાન ન મળ્યું. પરંતુ હવે તે IPLમાં ધૂમ મચાવવા માટે તૈયાર છે.
એનરિક નોરખિયાના આશ્ચર્યજનક આંકડા
સપ્ટેમ્બરમાં ઓસ્ટ્રેલિયા સામેની પાંચ મેચની શ્રેણીની બીજી વનડે દરમિયાન એનરિક નોરખિયાને પીઠમાં ખેંચાણ થતાં ઈજા થઈ હતી. એનરિક નોરખિયા આ ઈજાને કારણે વર્લ્ડ કપ 2023નો ભાગ બની શક્યો નથી. જોકે તે દિલ્હી કેપિટલ્સના સૌથી મહત્વપૂર્ણ બોલરોમાંથી એક છે. તેણે આઈપીએલમાં અત્યાર સુધી 40 મેચ રમી છે અને 8.33ના ઈકોનોમી રેટથી 53 વિકેટ લીધી છે. તે જ સમયે, તેણે દિલ્હી કેપિટલ્સ માટે 10 મેચ રમી અને 10 વિકેટ પોતાના નામે કરી.
IPL 2024 માટે દિલ્હી કેપિટલ્સની ટીમ
ઋષભ પંત (કેપ્ટન), પ્રવીણ દુબે, ડેવિડ વોર્નર, વિકી ઓસ્તવાલ, પૃથ્વી શો, એનરિક નોરખિયા, અભિષેક પોરેલ, કુલદીપ યાદવ, અક્ષર પટેલ, જેક ફ્રેઝર-મેકગર્ક, લલિત યાદવ, ખલીલ અહેમદ, મિશેલ માર્શ, ઈશાંત શર્મા, યશ ધીરૂ મુકેશ કુમાર, ટ્રિસ્ટન સ્ટબ્સ, રિકી ભુઇ, કુમાર કુશાગરા, રસિક ડાર, જ્યે રિચર્ડસન, સુમિત કુમાર, શાઈ હોપ, સ્વસ્તિક ચિકારા.
આ પણ વાંચોઃ IPLની 17મી સીઝન છે ખાસ, સ્ટોપ લોક-એક ઓવરમાં બે બાઉન્સર સહિત નિયમો બદલાયા
આ પણ વાંચોઃ IPL 2024ની શરૂઆત પહેલા આ ટીમનું ટેન્શન થયું ડબલ, ઓસ્ટ્રેલિયાના ખેલાડીએ રમવાનો કર્યો ઇનકાર
આ પણ વાંચોઃ ચિદંબરમ સ્ટેડિયમની પીચ કઈ ટીમને પ્રથમ મેચ જીતાડશે….