નવી દિલ્હીઃ ભારત અને ઓસ્ટ્રેલિયા બંનેમાં ક્રિકેટ ખૂબ જ લોકપ્રિય છે. જ્યારે પણ બંને દેશો વચ્ચે મેચ થાય છે ત્યારે ચાહકો ખૂબ જ ઉત્સાહિત હોય છે. ચાર ટેસ્ટ મેચોની બોર્ડર-ગાવસ્કર ટ્રોફી ભારત અને ઓસ્ટ્રેલિયા વચ્ચે રમાય છે. પરંતુ હવે સિરીઝને લઈને મોટો નિર્ણય લેવામાં આવ્યો છે. હવે બોર્ડર ગાવસ્કર ટ્રોફીમાં ચારને બદલે પાંચ ટેસ્ટ મેચ રમાશે. ક્રિકેટ ઓસ્ટ્રેલિયાએ સોમવારે આની જાહેરાત કરી હતી. 1991-92 પછી આ પ્રથમ વખત હશે જ્યારે આ બંને દેશો વચ્ચે પાંચ ટેસ્ટ મેચની શ્રેણી રમાશે.
ટેસ્ટ સિરીઝ માટે લેવાયો મોટો નિર્ણય
ક્રિકેટ ઓસ્ટ્રેલિયાએ ‘X’ પર પોસ્ટ કર્યું છે કે 1991-92 પછી પ્રથમ વખત, આ ઉનાળામાં ઓસ્ટ્રેલિયા અને ભારત વચ્ચે પાંચ ટેસ્ટ મેચની શ્રેણી રમાશે. બોર્ડર ગાવસ્કર ટ્રોફી માટેની આ શ્રેણી 2024-25ના ઘરેલુ શેડ્યૂલની ખાસિયત હશે. આ સિરીઝનું શિડ્યુલ આગામી દિવસોમાં જાહેર કરવામાં આવશે. પરંતુ ભારતીય ટીમ બોર્ડર ગાવસ્કર ટ્રોફી રમવા ઓસ્ટ્રેલિયા જશે તે પહેલાથી જ નક્કી છે.
બીસીસીઆઈના સચિવ જય શાહનું મહત્ત્વનું નિવેદન
ભારતીય ક્રિકેટ કંટ્રોલ બોર્ડ (બીસીસીઆઈ)ના સચિવ જય શાહે ક્રિકેટ ઓસ્ટ્રેલિયાના એક રીલીઝમાં જણાવ્યું હતું કે બીસીસીઆઈ ટેસ્ટ ક્રિકેટના સમૃદ્ધ વારસાને જાળવી રાખવા માટે તેના સમર્પણમાં અડગ છે. આ એક ફોર્મેટ છે જેને આપણે સૌથી વધુ માન આપીએ છીએ. તેણે કહ્યું કે બોર્ડર ગાવસ્કર ટ્રોફીને પાંચ ટેસ્ટ મેચ સુધી લંબાવવા માટે ક્રિકેટ ઓસ્ટ્રેલિયા સાથે અમારો સહયોગ ટેસ્ટ ક્રિકેટના મહત્વને પ્રોત્સાહન આપવા માટે અમારી સામૂહિક પ્રતિબદ્ધતાને દર્શાવે છે.
આ શ્રેણીની પ્રથમ ટેસ્ટ મેચ પર્થમાં રમાઈ શકે છે. ક્રિકેટ ઓસ્ટ્રેલિયાના પ્રમુખ માઈક બેયર્ડે કહ્યું કે અમારા બંને દેશો વચ્ચેની તીવ્ર હરીફાઈને જોતા અમે ખૂબ જ ખુશ છીએ કે બોર્ડર ગાવસ્કર ટ્રોફી હવે પાંચ ટેસ્ટ મેચો સુધી કરવામાં આવી છે.
આ પણ વાંચોઃ IPLની 17મી સીઝન છે ખાસ, સ્ટોપ લોક-એક ઓવરમાં બે બાઉન્સર સહિત નિયમો બદલાયા
આ પણ વાંચોઃ IPL 2024ની શરૂઆત પહેલા આ ટીમનું ટેન્શન થયું ડબલ, ઓસ્ટ્રેલિયાના ખેલાડીએ રમવાનો કર્યો ઇનકાર
આ પણ વાંચોઃ ચિદંબરમ સ્ટેડિયમની પીચ કઈ ટીમને પ્રથમ મેચ જીતાડશે….
