પેરિસમાં ઇન્ટરનેશનલ ચેમ્બર ઓફ કોમર્સ (ICC) ના આંતરરાષ્ટ્રીય કોર્ટ ઓફ આર્બિટ્રેશનમાં વકીલ તેજસ ચૌહાણને દક્ષિણ એશિયાના પ્રાદેશિક નિયામક તરીકે નિયુક્ત કરવામાં આવ્યા છે. ચૌહાણ આ પદ પર નિયુક્ત થનારા બીજા ભારતીય હશે અને તેઓ સિંગાપોરમાં રહેશે.
આઇસીસી કોર્ટની સ્થાપના 1923 માં કરવામાં આવી હતી અને વેપાર અને રોકાણમાં મદદ કરવા આંતરરાષ્ટ્રીય વ્યાપારી અને વ્યવસાયિક વિવાદોમાં મુશ્કેલીઓ ઉકેલવામાં મદદ કરી હતી. આઈસીસીએ જણાવ્યું હતું કે તેણે દક્ષિણ એશિયા માટે તેજસ ચૌહાણ, પશ્ચિમ એશિયા માટે ડેનિયા ફાસ અને ઉત્તર એશિયા માટે ડોના હુઆંગની નિમણૂક કરી છે.
આઈસીસી કોર્ટના અધ્યક્ષ ક્લાઉડિયા સલોમોને જણાવ્યું હતું કે, “અમે જે કરીએ છીએ તે પક્ષકારોની સેવા અને તેમના માટે વિવાદ નિવારણ પ્રક્રિયાને સરળ બનાવવા પર કેન્દ્રિત હોવું જોઈએ જેથી વિવાદ નિવારણ પ્રક્રિયા તેમની અપેક્ષાઓ પૂરી કરે.” અમારા ક્ષેત્રીય નિર્દેશકો અમારી ક્ષેત્રીય પ્રાદેશિક પહોંચ વધારવામાં અને આઇસીસી કોર્ટને તેમના સંબંધિત ક્ષેત્રોમાં વ્યવસાય, કાનૂની સમુદાય અને સરકારી અધિકારીઓ સાથે જોડવામાં મુખ્ય ભૂમિકા ભજવે છે. ઉલ્લેખનીય છે કે, તેજસ ચૌહાણ ભૂતપૂર્વ પ્રાદેશિક નિર્દેશક અભિનવ ભૂષણની જગ્યા લેશે.
