પંજાબ કિંગ્સને ફરી એક રોમાંચક મેચમાં હારનો સામનો કરવો પડ્યો છે. રાજસ્થાન રોયલ્સે સીઝન-14 ની 32 મી મેચમાં પંજાબને 2 રનથી હરાવ્યું હતું. જોકે, એક સમય હતો જ્યારે મેચ સંપૂર્ણપણે પંજાબની તરફેણમાં હતી. છેલ્લી બે ઓવરમાં પંજાબને 8 રનની જરૂર હતી અને તેની 8 વિકેટ બાકી હતી, પરંતુ તેમ છતાં બેટ્સમેન લક્ષ્યનો પીછો કરી શક્યા ન હોતા. બીજી તરફ કેપ્ટન કેએલ રાહુલ આ હારથી ખૂબ જ નિરાશ છે. તેણે સ્વીકાર્યું કે ખેલાડીઓ હજુ પણ ભૂતકાળની ભૂલોમાંથી શીખ્યા નથી.
આ પણ વાંચો – Cricket / મિતાલી રાજે ઓસ્ટ્રેલિયા સામે મેળવી બે મોટી સિદ્ધિ, બનાવ્યા આ રેકોર્ડ
રાહુલે કહ્યું કે, તેને સ્વીકારવું મુશ્કેલ છે. અમે એક એવી ટીમ રહી છે જેણે પહેલા પણ આવી મેચનો અનુભવ કર્યો છે. આપણે એ જોવાની જરૂર છે કે અમે દબાણને વધુ સારી રીતે કેવી રીતે સંભાળી શકીએ. 18 મી ઓવરમાં મેચ પૂરી કરવાના પ્રયાસમાં ક્યારેક તમે ખૂબ પ્રયત્ન કરો છો અને તમારી ગતિ ગુમાવો છો અને વિરોધીઓને હાવી થવા દો છો. અમે ભૂતકાળની ભૂલોમાંથી શીખ્યા નથી. હવે અમે મજબૂત પાછા આવવાનો અને આગામી પાંચ મેચ જીતવાનો પ્રયત્ન કરીશું. અમે બોલિંગમાં સારુ પ્રદર્શન કર્યુ, વિકેટ લેવાનું ચાલુ રાખ્યું, જે આ ફોર્મેટમાં ખૂબ મહત્વનું છે. મારા માટે, મયંક અને એડેન માટે પણ તેમની પ્રથમ આઈપીએલ મેચમાં રન બનાવવાનું મહત્વનું હતું. 9 મી મેચમાં પંજાબની આ છઠ્ઠી હાર છે. આ સિઝનમાં પંજાબે ઘણી મેચ હારી છે. પહેલા બેટિંગ કરતા રાજસ્થાને પંજાબને 186 રનનો ટાર્ગેટ આપ્યો હતો. પંજાબ તરફથી મયંક અગ્રવાલે સૌથી વધુ 67 રન બનાવ્યા હતા. આ રીતે કેએલ રાહુલે 49 રન બનાવ્યા હતા. એડેન માર્કરામે અણનમ 26 અને નિકોલસ પૂરણે 32 રન બનાવ્યા હતા. રાજસ્થાન તરફથી કાર્તિક ત્યાગીએ સૌથી વધુ 2 વિકેટ લીધી હતી. ચેતન સાકરિયા અને રાહુલ તેવટિયાએ એક-એક વિકેટ લીધી હતી. કેપ્ટન કેએલ રાહુલ અને મયંક અગ્રવાલ પંજાબનાં ટાર્ગેટનો પીછો કરવા ઉતર્યા હતા. બંનેએ પંજાબને મજબૂત શરૂઆત અપાવી હતી. મયંકે 34 બોલમાં પોતાની ફિફ્ટી પૂરી કરી હતી. તેણે આઈપીએલના 2000 રન પણ પૂરા કર્યા.
આ પણ વાંચો – Cricket / બ્રોડે ભારત પ્રવાસનો અનુભવ શેર કર્યો, કહ્યુ- ખરાબ રહ્યો અનુભવ, અહી ધીમુ હતુ Wi-Fi
આ દરમિયાન, કેએલ રાહુલને આ મેચમાં 3 જીવનદાન મળ્યા હતા. પરંતુ તેણે આનો ફાયદો ઉઠાવ્યો અને મયંક સાથે સદીની ભાગીદારી કરી. તેણે IPL નાં 3000 રન પણ પૂરા કર્યા. તે 80 ઇનિંગ્સમાં અહીં પહોંચ્યો હતો. પરિણામે, તે IPL માં સૌથી ઝડપી 3,000 રન બનાવનાર ભારતીય બન્યો. તેને 12 મી ઓવરમાં ચેતન સાકરીયાએ આઉટ કર્યો હતો. રાહુલ માત્ર એક રનથી પોતાની અડધી સદી ચૂકી ગયો. રાહુલ અને મયંક વચ્ચે 120 રનની ભાગીદારી તૂટી ગઈ હતી. 13 મી ઓવરમાં રાહુલ તેવતિયાએ બીજી વિકેટ માટે મયંકને આઉટ કર્યો. મયંકે 43 બોલમાં સાત ચોક્કા અને બે છક્કાની મદદથી 67 રનની ઇનિંગ રમી હતી. આ પછી, નિકોલસ પૂરણ અને એડેન માર્ક્રારામે ઇનિંગ્સ બચાવી અને પંજાબને જીત અપાવવાનો પ્રયાસ કર્યો.
