Ahmedabad News : હોસ્પિટલ બાદ હવે સાયબર ગુનેગારોના નિશાના પર ટ્રેન હોય તેવું જણાઈ રહ્યું છે. જેમાં ટ્રેનમાંથી મહિલાઓના વાંધાજનક ફૂટેઝ મેળવવાનો કારસો રચાયો હોવાનું ધ્યાનમાં આવતા ચકચાર મચી છે. ટ્રેનના શૌચાલયમાં સ્પાય કેમેરા લગાવી Videoલેવાનો દાવો કરવામાં આવ્યો છે.
આ સમગ્ર મામલે અમદાવાદ રેલ્વે પોલીસે એક ઇસમની ધરપકડ કરી છે. આ સંદર્ભે હાઉસકીપિંગના કર્મચારી જહીઉદ્દીન શેખની ધરપકડ કરવામાં આવી છે. આરોપીએ Power Bank જેવો દેખાતો કેમેરો શૌચાલયમાં છુપાવ્યો હોવાનું તપાસમાં બહાર આવ્યું છે. જ્યારે Spy camera ના તાર કચરાના ડસ્ટબિનમાં છુપાવ્યા હોવાનું તપાસમાં સામે આવ્યું હતું.
અગાઉ રાજકોટની ગાયનેકોલોજી હોસ્પિટલમાં ચેકઅપ કરાવતી મહિલાઓના વીડિયો ફરતા કરવા બદલ શહેર પોલીસે મહારાષ્ટ્રના બે અને ઉત્તર પ્રદેશના એક પુરુષને પકડ્યાના બે દિવસ પછી, એવું બહાર આવ્યું કે ત્રણ આરોપીઓ મહિલાઓના અશ્લીલ વીડિયો વેચવા માટે ઓછામાં ઓછા 22 ટેલિગ્રામ ચેનલો ચલાવતા હતા અને એક વર્ષમાં લગભગ 8 લાખ રૂપિયા કમાતા હતા.
તપાસમાં જાણવા મળ્યું કે આરોપીઓ “મેઘા ડેમોસ ગ્રુપ” ના બેનર હેઠળ કામ કરતા હતા.
“CCTV ઇન્જેક્શન ગ્રુપ”, “લેબર રૂમ ઇન્જેક્શન ગ્રુપ”, અને “ગંગા રિવર ઓપન બાથિંગ ગ્રુપ” જેવા નામો ધરાવતી આ ચેનલો અનધિકૃત વીડિયો વિતરિત કરવા માટે પ્લેટફોર્મ હતા. ચિંતાજનક રીતે, કેટલીક સામગ્રીમાં હોસ્પિટલના લેબર રૂમ, તબીબી તપાસ અને બસ સ્ટેન્ડ, લગ્ન હોલ, પાર્લર અને ગંગા નદી જેવા જાહેર વિસ્તારો જ્યાં લોકો પવિત્ર સ્નાન કરે છે તેમાંથી ગુપ્ત રેકોર્ડિંગ દર્શાવવામાં આવ્યા હતા, સાયબર ક્રાઇમ અધિકારીઓએ જણાવ્યું હતું.
આ પણ વાંચો: ક્યાં સુધી પહોંચ્યું છે અમદાવાદમાં બુલેટ ટ્રેન સ્ટેશનનું કામ: જુઓ Video
આ પણ વાંચો: મુંબઈ-અમદાવાદ બુલેટ ટ્રેનનું કામ આશમાને, જાણો 10 તસવીરોમાં સંપૂર્ણ અપડેટ
આ પણ વાંચો: મુંબઈ-અમદાવાદ બુલેટ ટ્રેનના કામ સંદર્ભે રેલવે મંત્રીએ આપી મોટી અપડેટ
