થોડા દિવસો પહેલા રાહુલ ગાંધીનું ઓફિશિયલ ટ્વિટર એકાઉન્ટ સસ્પેન્ડ થઇ ગયુ હતુ. હવે કોંગ્રેસે તાજેતરમાં આરોપ લગાવ્યો છે કે, માઇક્રોબ્લોગિંગ સાઇટ ટ્વિટરે પાર્ટીનાં સત્તાવાર ટ્વિટર હેન્ડલને ‘લોક’ કરી દીધું છે. કોંગ્રેસે ફેસબુક પર એક પોસ્ટ મૂકીને આ સંદર્ભમાં માહિતી આપી છે. કોંગ્રેસે તેના ટ્વિટર એકાઉન્ટનો સ્ક્રીનશોટ શેર કર્યો છે અને લખ્યું છે કે, પાર્ટીનું ઓફિશિયલ ટ્વિટર એકાઉન્ટ બંધ કરી દેવામાં આવ્યું છે. કોંગ્રેસે આ માહિતી તેના સત્તાવાર ઇન્સ્ટાગ્રામ એકાઉન્ટ પર પણ આપી છે.
આ પણ વાંચો – સ્મોગ ટાવર / દિલ્હીની હવા હવે થશે શુદ્ધ, દેશની રાજધાનીને મળશે પ્રથમ સ્મોગ ટાવર
આ પણ વાંચો – Burj Khalifa Emirates Ad / વિશ્વની સૌથી ઉંચી ઇમારત બુર્જ ખલીફાની ટોચ પર ઉભા રહીને જાહેરાત શૂટ કરવામાં આવી, આવો જોઈએ રોમાંચક વિડીયો
કોંગ્રેસનાં પૂર્વ અધ્યક્ષ રાહુલ ગાંધીનાં ટ્વિટર એકાઉન્ટને સસ્પેન્ડ કર્યા બાદ ભૂતકાળમાં કોંગ્રેસનાં અન્ય પાંચ વરિષ્ઠ નેતાઓનાં ટ્વિટર એકાઉન્ટ્સ પર પણ આવી જ કાર્યવાહી કરવામાં આવી છે. હવે જાણવા મળ્યું છે કે, કોંગ્રેસ પાર્ટીનું ઓફિશિયલ ટ્વિટર એકાઉન્ટ પણ લોક કરી દેવામાં આવ્યું છે. નોંધપાત્ર બાબત એ છે કે, કોંગ્રેસે બુધવારે મોડી રાત્રે દાવો કર્યો હતો કે રણદીપ સુરજેવાલા સહિત પાંચ વરિષ્ઠ નેતાઓનાં એકાઉન્ટ સામે આવી જ કાર્યવાહી કરવામાં આવી છે. ઓલ ઇન્ડિયા કોંગ્રેસ કમિટી (AICC) નાં મહાસચિવ અને પૂર્વ કેન્દ્રીય મંત્રી અજય માકન, લોકસભામાં પાર્ટી વ્હીપ મણિકમ ટાગોર, આસામનાં પ્રભારી અને પૂર્વ કેન્દ્રીય મંત્રી જીતેન્દ્ર સિંહ અને મહિલા કોંગ્રેસ પ્રમુખ સુષ્મિતા દેવનાં ટ્વિટર એકાઉન્ટ સસ્પેન્ડ કરવામાં આવ્યા છે. આ પહેલા ટ્વિટરે રાહુલ ગાંધીનું એકાઉન્ટ સસ્પેન્ડ થવાનો દાવો ફગાવી દીધો હતો.
આ પણ વાંચો – OMG! / ગુજરાતના આ મંદિર જ્યાં પ્રાચીન કાળી માટીના માટલાંમાં 600 વર્ષથી એવુંને એવું ઘી સચવાયેલું છે, દુર્ગંધ કે જીવાત પણ પડતી નથી
કોંગ્રેસનાં પૂર્વ અધ્યક્ષ રાહુલ ગાંધીએ ગયા અઠવાડિયે દિલ્હીમાં કથિત રીતે દુષ્કર્મ અને હત્યા કરાયેલી નવ વર્ષની બાળકીનાં પરિવારની તસવીરો ટ્વીટ કરી હતી. નેશનલ કમિશન ફોર પ્રોટેક્શન ઓફ ચાઈલ્ડ રાઈટ્સ (એનસીપીસીઆર) એ રાહુલ ગાંધીનાં ટ્વીટનું ધ્યાન રાખ્યું હતું અને ટ્વિટરને સગીર પીડિતાની ગોપનીયતાનો ભંગ કરવા બદલ કોંગ્રેસ નેતાનાં એકાઉન્ટ વિરુદ્ધ પગલા લેવાનો નિર્દેશ આપ્યો હતો.