Ahmedabad News:અમદાવાદના સરદાર વલ્લભભાઈ પટેલ ઇન્ટરનેશનલ (SVPI) એરપોર્ટ પર દાણચોરીના સોનાની (Gold Smuggling) જપ્તીનો સિલસિલો યથાવત્ ચાલુ છે.આજે વહેલી સવારે મલેશિયાના કુઆલાલમ્પુરથી આવેલી એક મહિલા મુસાફર પાસેથી કસ્ટમ્સ વિભાગના અધિકારીઓએ અત્યંત જોખમી અને અસામાન્ય રીતે છુપાવેલું 553.07 ગ્રામ (24 કેરેટ) સોનું ઝડપી પાડ્યું છે. આ સોનાની અંદાજિત બજાર કિંમત 83 લાખ રૂપિયાથી વધુ છે.
મળતી માહિતી અનુસાર, કુઆલાલમ્પુરથી આવેલી ફ્લાઇટમાં આવેલી આ મહિલા મુસાફરની હિલચાલ કસ્ટમ્સના અધિકારીઓને શંકાસ્પદ લાગી. તેમની વર્તણૂક અને શારીરિક હાલત જોઈને અધિકારીઓએ તરત જ તેની વિગતવાર પૂછપરછ અને તપાસ હાથ ધરી.તપાસ દરમિયાન ખુલાસો થયો કે મહિલાએ સોનાને (Gold Smuggling) અત્યંત જોખમી રીતે પેસ્ટ બનાવીને તેને કેપ્સ્યુલ્સમાં ભરી પોતાના શરીરની અંદર છુપાવી રાખ્યું હતું.
સોનાની દાણચોરી (Gold Smuggling) કરતી મહિલાની ધરપકડ
આવી જોખમી પદ્ધતિ અગાઉ પણ અમદાવાદ એરપોર્ટ પર જોવા મળી છે, પરંતુ મહિલા મુસાફર દ્વારા આવી રીતે સોનું (Gold Smuggling) લાવવાનો આ કેસ ખાસ નોંધપાત્ર છે.કસ્ટમ્સ અધિકારીઓએ તરત જ આ કેપ્સ્યુલ્સ કબજે કરી અને તેમાંથી સોનું રિકવર કરવાની પ્રક્રિયા શરૂ કરી. કુલ 553.07 ગ્રામ 24 કેરેટનું સોનું જપ્ત કરવામાં આવ્યું છે.
કસ્ટમ્સ વિભાગે મહિલા મુસાફર વિરુદ્ધ કસ્ટમ્સ એક્ટ હેઠળ દાણચોરીનો ગુનો નોંધી તેની ધરપકડ કરી છે. હાલમાં આ દાણચોરીના રેકેટમાં અન્ય કોણ-કોણ સામેલ છે તેની તપાસ તેજ કરી છે. સોનું કોણે મોકલ્યું હતું, તે ક્યાં અને કોને પહોંચાડવાનું હતું તે સહિતના મુદ્દાઓ પર વધુ તપાસ ચાલી રહી છે.
આ પણ વાંચો: અમદાવાદ એરપોર્ટ પરથી 59 લાખ રૂપિયાના સોનાની દાણચોરી કરતો પકડ્યો મુસાફર
આ પણ વાંચો: અમદાવાદ એરપોર્ટ પર ફરી સોનાની દાણચોરી, એલ્યુમિનિયમ કોટેડ સ્ક્રૂમાં છુપાયેલું 353 ગ્રામ સોનું પકડાયું
આ પણ વાંચો: અમદાવાદ એરપોર્ટ પર સોનાની દાણચોરી, 24 કેરેટના 374.900 ગ્રામ વજનનો સોનાનો બાર મળ્યો
