Gujarat Budget 2024: મુખ્યમંત્રી ભૂપેન્દ્ર પટેલે ગુજરાતના વર્ષ 2024-25ના બજેટને સાતત્યપૂર્ણ વિકાસ દ્વારા વિકસિત ભારત@2047ના વડાપ્રધાન નરેન્દ્ર મોદીના સંકલ્પને સાકાર કરનારું બજેટ ગણાવ્યું છે. નાણાંમંત્રી કનુભાઈ દેસાઈએ વિધાન સભાગૃહમાં રજૂ કરેલા રાજ્યના બજેટને આવકારતા મુખ્યમંત્રીએ સ્પષ્ટપણે જણાવ્યું કે સમગ્ર સમાજના સર્વગ્રાહી વિકાસ સાથે ખાસ કરીને ગરીબ, યુવા, અન્નદાતા અને નારીશક્તિને વિશેષ પ્રાધાન્ય આપીને તેમના વિકાસને પ્રોત્સાહિત કરતું આ બજેટ છે.
આ પણ વાંચો: ગુજરાતના 2047 સુધીના વિકાસનો રોડમેપ આપતું કનુભાઈનું બજેટ
તેમણે ઉમેર્યું હતું કે, “ગયા વર્ષે ઐતિહાસિક રૂપિયા 3 લાખ કરોડનું વિકાસલક્ષી બજેટ આપ્યું હતું. આ વર્ષે ફરી એકવાર તેમાં 10 ટકાનો વધારો કરીને 3 લાખ 32 હજાર કરોડની માતબર જોગવાઈઓવાળું બજેટ જનતા જનાર્દનની સેવામાં અમે લાવ્યા છીએ. ગુજરાતનું જાહેર દેવું અત્યાર સુધીના વર્ષોમાં સૌથી ઓછું થયું છે. 2022-23ના હિસાબ ફાઈનલ થયા છે, તે મુજબ રાજ્યનું કુલ દેવું જી.એસ.ડી.પી.ના 15.17 ટકા છે. પાછલાં દસ વર્ષનું આ સૌથી ઓછું દેવું છે અને દેશનાં સૌથી ઓછું દેણું ધરાવતાં ત્રણ મોટાં રાજ્યોમાં ગુજરાતે સ્થાન મેળવ્યું છે.”
આ પણ વાંચો: ગુજરાતે ફાર્મ લેન્ડ અને ટેનન્સી લોમાં ધરમૂળથી ફેરફાર કર્યો
ગુજરાતના ફિસ્કલ રિસ્પોન્સિબિલિટી અને બજેટ મેનેજમેન્ટ એક્ટ મુજબ વિધાનસભાએ રાજ્ય સરકારને જી.એસ.ડી.પી.ના 27 ટકા સુધી દેવું વધારવા માટે છૂટ આપેલી છે. આમ છતાં ગુજરાત સરકારે માત્ર 15.17 ટકાનો જ ઉપયોગ કર્યો છે. દેશના 21 રાજ્યોમાં આ આંકડો 27 ટકાથી વધારે છે, ત્યારે ગુજરાતે નાણાકીય શિસ્તનું ઉત્તમ ઉદાહરણ પૂરું પાડ્યું છે.
આ પણ વાંચો: ઈમરજન્સી સેવાઓ ઝડપી ઉપલબ્ધ થાય તે માટે બજેટમાં મોટું એલાન
ગુજરાતને આવનારા દિવસોમાં 5-જી ગુજરાત બનાવવાની દિશા લીધી છે, તેની વિભાવના સ્પષ્ટ કરતાં મુખ્યમંત્રીએ જણાવ્યું કે, 5-જી એટલે…
Ø અન્ય પ્રદેશોથી શ્રેષ્ઠ હોય એવું ગરવું ગુજરાત.
Ø મૂલ્યનિષ્ઠ નાગરિક જીવન, પર્યાવરણ સંતુલન અને સાંસ્કૃતિક વારસાના જતન સાથેનું ગુણવંતુ ગુજરાત.
Ø રિન્યુએબલ એનર્જી અને સરક્યુલર ઈકોનોમીને પ્રાધાન્ય આપતું ગ્રીન ગુજરાત.
Ø સમગ્ર વિશ્વ સાથે આર્થિક અને સાંસ્કૃતિક રીતે જોડાયેલું ગ્લોબલ ગુજરાત.
Ø અન્ય પ્રદેશો કરતાં વૃદ્ધિ દર વધુ હોય તેમ જ બદલાતી વૈશ્વિક પરિસ્થિતિઓમાં પણ આર્થિક રીતે અગ્રેસર રહે તેવું ગતિશીલ ગુજરાત.
આ પણ વાંચો: શિક્ષણના મોરચે આગેવાન બનવાનું ગુજરાતનું ધ્યેયઃ બજેટમાં 11,463 કરોડનો જંગી વધારો
5-જી ગુજરાતમાં આપણી ભાવિ પેઢી પોષણક્ષમ હોય, સ્વસ્થ હોય તેમાંય માતાઓ અને બાળકોના સંગીન સ્વાસ્થ્યને અગ્રતા આપતાં “સુપોષિત ગુજરાત મિશન” જાહેર કર્યું છે. સ્વસ્થ, સમૃદ્ધ અને વિકસિત ગુજરાત@2047માં કિશોરીઓની ભૂમિકા મહત્વની છે. આપણે આવી દીકરીઓના પોષણ, આરોગ્ય અને શિક્ષણ, ત્રણેયને પ્રોત્સાહિત કરવાનો હોલિસ્ટિક એપ્રોચ અપનાવ્યો છે. આ માટે ત્રણ નવી યોજનાઓ, “નમો લક્ષ્મી યોજના”, “નમો સરસ્વતી યોજના” અને “નમોશ્રી યોજના” જાહેર કરી છે.
નમો લક્ષ્મી યોજનાની જાહેરાત કરવામાં આવી છે અને ધોરણ 9-12માં ભણતી 10 લાખ છોકરીઓને 50 હજાર શિષ્યવૃત્તિ આપવામાં આવશે.
સગર્ભા મહિલાઓ માટે નમો શ્રી યોજનાની જાહેરાત કરવામાં આવી છે, જે અંતર્ગત સગર્ભા મહિલાઓને SC-ST, NFSA, PMJAY જેવા 11 માપદંડો અનુસાર રૂ. 12 હજારની સહાય આપવામાં આવશે.
નમો સરસ્વતી યોજના હેઠળ, ધોરણ 11-12માં વિજ્ઞાનનો અભ્યાસ કરતા ગરીબ અને મધ્યમ વર્ગના વિદ્યાર્થીઓને રૂ. 25,000ની શિષ્યવૃત્તિ આપવામાં આવશે.
પીએમ ન્યુટ્રિશન સ્કીમમાં 60% વધારાની જાહેરાત.
યોધ્યાધામમાં ગુજરાતી યાત્રિકો માટે યાત્રી ભવન બનાવવાની જાહેરાત.
ગુજરાતમાં જન રક્ષક યોજના હેઠળ હવે તમામ ઈમરજન્સી સેવાઓ માટે માત્ર 112 નંબર પર ડાયલ કરવાનો રહેશે.
આ પણ વાંચો: નાણામંત્રીએ કરી નમો લક્ષ્મી યોજનાની જાહેરાત, જાણો કોને મળશે લાભ
આ પણ વાંચો: બજેટમાં ગિફ્ટ સિટીને લઈને મોટી જાહેરાતો, રિવરફ્રન્ટ માટે રૂપિયા 100 કરોડની જોગવાઈ
વડાપ્રધાન નરેન્દ્ર મોદીએ સ્વચ્છતાનો સંદેશ ઘેર-ઘેર ગૂંજતો કરીને સ્વચ્છતા માટેના જનઆંદોલનથી સ્વચ્છ ભારતની જ પ્રતિબદ્ધતા દર્શાવી છે, તેને ગુજરાતમાં વેગ આપવા “નિર્મળ ગુજરાત 2.0 અભિયાન” માટે આ વર્ષના બજેટમાં પણ બે ગણો વધારો કર્યો છે અને રૂપિયા 2500 કરોડનું પ્રાવધાન કર્યું છે, તેમ પણ તેમણે ઉમેર્યું હતું.
આ પણ વાંચો: ગુજરાત સરકાર મહિલા અને બાળ વિકાસ માટે પ્રતિબદ્ધઃ બજેટમાં 6885 કરોડ ફાળવ્યા
આ પણ વાંચો: ‘ગુજરાતનું આરોગ્ય અમારા હાથમાઃ’ બજેટમાં હેલ્થ માટેની જોગવાઈમાં 32.40 ટકાનો જંગી વધારો
મુખ્યમંત્રીએ શહેરોના આયોજનબદ્ધ વિકાસ માટે સાત નગરપાલિકાઓ નવસારી, ગાંધીધામ, મોરબી, વાપી, આણંદ, મહેસાણા તથા સુરેન્દ્રનગર/વઢવાણને મહાનગરપાલિકાનો દરજ્જો આપવામાં આવશે તેમ જણાવ્યું હતું.અમદાવાદની સાબરમતી નદીની સર્વગ્રાહી કાયાપલટ કરીને રિવરફ્રન્ટ દ્વારા એક વૈશ્વિક ઓળખ આદરણીય વડાપ્રધાને અપાવી છે. તેમના વિઝનને અનુરૂપ આ રિવરફ્રન્ટને ગાંધીનગર તથા ગિફ્ટ સિટી સુધી લંબાવવાનો મહત્વપૂર્ણ નિર્ણય કરવામાં આવ્યો છે. અમદાવાદ, ગાંધીનગર, ગિફ્ટ સિટીની ટ્રાયસિટી તરીકેની આગવી વિકાસ-ઓળખમાં આ સળંગ રિવરફ્રન્ટ નવું સીમાચિન્હ બનશે, એવો વિશ્વાસ મુખ્યમંત્રીએ દર્શાવ્યો હતો. 38 કિલોમીટરનો આ સાબરમતી રિવરફ્રન્ટ વિશ્વના સૌથી લાંબા અને રળિયામણા રિવરફ્રન્ટનું ગૌરવ મેળવશે, તેમ પણ તેમણે ઉમેર્યું હતું.
આ પણ વાંચો: ફૂડ સિક્યોરિટીને ગુજરાતના બજેટમાં અપાયું પ્રાધાન્યઃ રૂ. 2,711 કરોડ ફાળવાયા
આ પણ વાંચો: ગુજરાત પોલીસ હાઇટેક અને સ્માર્ટ બનશેઃ બજેટમાં 10,378 કરોડની ફાળવણી
સર્વાંગી અને સર્વસમાવેશી વિકાસથી વિકસિત ગુજરાત @2047નું દિશાદર્શન કરનારું અને વિકસિત ભારતના નિર્માણમાં વિકસિત ગુજરાતને અગ્રેસર રાખનારું મહેસૂલી પૂરાંતવાળું બજેટ આપવા બદલ તેમણે નાણાંમંત્રી અને તેમની ટીમને અભિનંદન પાઠવ્યા હતા.
