અમદાવાદ શહેરને શહેરીજનો ને મોટી દિવાળી ગીફ્ટ મળી છે. દિવાળીની ખરીદીમાં કોરોના ગાઈડ લાઈન્સ નું સરેઆમ ઉલંઘન હવે શહેરી જનોને ભરી પડી રહ્યું છે. દિવાળી માં ફરી એકવાર અમદાવાદની કોરોના હોસ્પિટલ પેક જોવા મળી રહી છે. સોલા સિવિલ અને અમદાવાદ સિવિલ બાદ GCS હોસ્પીટલમાં પણ કોરોનાના દર્દીઓની સંખ્યામાં સતત વધારો થઈ રહ્યો છે. હોસ્પીટલના મોટાભાગના ICU બેડ ફૂલ થી ચુક્યા છે. આઈસોલેશનમાં માત્ર પાંચ ટકા બેડ ખાલી છે. ગત 13મી નવેમ્બરથી અત્યાર સુધીમાં 330 જેટલા દર્દીઓ જીસીએસમાં દાખલ થયા છે.
આ બધાની વચ્ચે મોટા સમાચાર એ આવી રહ્યા છે કે, વધી રહેલા કોરોનાના કેસ વચ્ચે અમદાવાદ જીસીએસ હોસ્પિટલના રેસિડેન્ડ ડોક્ટર્સ અચોક્કસ મુદ્દતની હડતાળ પર ઉતરી ગયા છે. હડતાળ મુદ્દે કોલેજના મેનેજમેન્ટ અને હડતાળ પર ઉતરેલા ડોક્ટર્સ વાતચીત શરૂ કરી હતી. રેસિડેન્ડ ડોક્ટર્સની માગ છે કે, ફીમાં ઘટાડો કરવામાં આવે અને કોવિડ ડ્યુટીના ભથ્થા અંગે પણ કોઈ નિર્ણય લેવામાં આવે. આશરે 70 જેટલા ડોક્ટર્સની હડતાળના કારણે સારવાર માટે આવેલા દર્દીઓની હાલાકીમાં પણ વધારો થયો છે.
