Ahmedabad News: અમદાવાદ શહેરની ઘાટલોડિયા વિસ્તારમાં આવેલી IDP સ્કૂલ (Ahmedabad IDP School) ફરી એકવાર વિવાદના કેન્દ્રમાં આવી છે. સ્કૂલમાં સર્ટિફિકેટ લેવા આવેલા એક વાલી સાથે ગેરવર્તણૂક કરવામાં આવી હોવાનો વીડિયો સોશિયલ મીડિયા પર વાયરલ થતાં મામલો ચર્ચાનો વિષય બન્યો છે. વીડિયોમાં સ્કૂલના પ્રતિનિધિ દ્વારા વાલી સાથે ઉગ્ર બોલાચાલી થતી હોવાનું જોવા મળતા વાલીઓમાં ભારે રોષ ફેલાયો છે.
Ahmedabad IDP School: સર્ટિફિકેટ લેવા આવેલા વાલી સાથે વિવાદ
માહિતી મુજબ, એક વાલી પોતાના બાળકના શૈક્ષણિક દસ્તાવેજો અને સર્ટિફિકેટ લેવા માટે સ્કૂલ (Ahmedabad IDP School)માં પહોંચ્યા હતા. આ દરમિયાન સ્કૂલ મેનેજમેન્ટ અને વાલી વચ્ચે કોઈ મુદ્દે બોલાચાલી થઈ હતી. વાલીનો આક્ષેપ છે કે તેમને અપમાનજનક ભાષામાં સંબોધવામાં આવ્યા હતા અને સ્કૂલ કેમ્પસમાંથી બહાર નીકળી જવા માટે કહેવામાં આવ્યું હતું. સમગ્ર ઘટનાનો વીડિયો સોશિયલ મીડિયા પર વાયરલ થતાં મામલો વધુ ચર્ચાસ્પદ બન્યો છે.
સોશિયલ મીડિયામાં ઉઠ્યો વિરોધ
વીડિયો વાયરલ થયા બાદ અનેક વાલીઓએ સ્કૂલ (Ahmedabad IDP School)ના વર્તન સામે નારાજગી વ્યક્ત કરી હતી. સોશિયલ મીડિયા પર પણ ઘટનાને લઈને વિવિધ પ્રકારની પ્રતિક્રિયાઓ જોવા મળી રહી છે. વાલીઓનું કહેવું છે કે શૈક્ષણિક સંસ્થાઓએ વિદ્યાર્થીઓ અને તેમના પરિવારજનો સાથે સન્માનજનક વર્તન રાખવું જોઈએ અને આવા બનાવોથી સંસ્થાની વિશ્વસનીયતા પર પ્રશ્નો ઊભા થાય છે.
DEOની તાત્કાલિક એન્ટ્રી
ઘટનાનો વીડિયો વાયરલ થતાં જિલ્લા શિક્ષણ અધિકારી (DEO)નું ધ્યાન પણ આ મામલા તરફ ગયું હતું. ત્યારબાદ શિક્ષણ વિભાગની ટીમ દ્વારા સ્કૂલમાં અચાનક ચેકિંગ હાથ ધરવામાં આવ્યું હતું. સૂત્રોના જણાવ્યા મુજબ અધિકારીઓએ સ્કૂલ સંચાલન પાસેથી સમગ્ર ઘટનાની માહિતી મેળવી હતી અને સંબંધિત દસ્તાવેજોની પણ તપાસ કરી હતી.
સ્કૂલ સંચાલન પાસેથી માંગ્યો ખુલાસો
શિક્ષણ વિભાગ દ્વારા સ્કૂલ મેનેજમેન્ટને સમગ્ર ઘટનાનો સ્પષ્ટ જવાબ આપવા સૂચના આપવામાં આવી હોવાનું જાણવા મળે છે. સાથે જ વાલીઓની ફરિયાદો અને વીડિયોમાં દેખાતી પરિસ્થિતિ અંગે પણ તપાસ શરૂ કરવામાં આવી છે.
વાલીઓમાં રોષ, કાર્યવાહી પર નજર
ઘટના બાદ વાલીઓમાં ભારે નારાજગી જોવા મળી રહી છે. અનેક વાલીઓએ પારદર્શક તપાસ અને જવાબદાર લોકો સામે યોગ્ય પગલાં લેવાની માંગણી કરી છે. હાલ સમગ્ર મામલે શિક્ષણ વિભાગની તપાસ ચાલુ છે અને આગળ શું કાર્યવાહી થાય છે તેના પર સૌની નજર છે.
આ પણ વાંચો:અમદાવાદની સેવન્થ ડે સ્કૂલ ફરી વિવાદમાં, 7.31 કરોડના શંકાસ્પદ ટ્રાન્ઝેક્શન મામલે DEOની કડક નોટિસ
આ પણ વાંચો:પહેલા ફી ભરો, પછી પરીક્ષા’ અમદાવાદ વાડજની સૌરભ સ્કૂલમાં ફી મુદ્દે વિવાદ, સ્કૂલમાં વાલીઓનો હોબાળો
આ પણ વાંચો:અમદાવાદમાં દિવાન બલ્લુભાઈ સ્કૂલ ફરીથી વિવાદમાં આવી
