Ahmedabad News: પૂર્વ ગર્લફ્રેન્ડે બીજા યુવક સાથે લગ્ન કરી લેતા પૂર્વ પ્રેમીનો પિત્તો ગયો. તેણે બાઈક પર પતિ સાથે જઈ રહેલી પૂર્વ પ્રેમિકાને જોરદાર ગાડીથી ટક્કર મારી જમીન પર પાડી દીધી હતી. ત્યારપછી તેના પતિને ગંભીર ઈજા પહોંચી અને ચાલવાની સ્થિતિમાં પણ નહોતો તેવામાં પૂર્વ પ્રેમિકાને પરાણે ઉઠાવી ગયો હતો. છોકરી બચાવ માટે મદદ માગતી રહી પરંતુ કોઈપણ આવ્યું નહીં. જોતજોતામાં પૂર્વ પ્રેમીએ તેને ગાડીમાં બેસાડી દીધી અને ગાડી પૂર ઝડપે ભગાડી હતી. ત્યારપછી પોલીસ સહિત અન્ય માર્ગમાં આવતા વાહનોને અડફેટે લઈ જબરો કાંડ કર્યો હતો.
ધંધૂકા પોલીસ સ્ટેશનમાં ફરિયાદના આધારે તપાસ શરૂ કરાઈ છે. જેમાં પરિણિતા બાઈક પર તેના પતિ સાથે સંબંધીના ઘરે મળવા જઈ રહ્યા હતા. આ સમયે ધંધૂકા રોડ પર તેમની બાઈક જઈ રહી હતી ત્યારે અચાનક પાછળથી પૂર્વ પ્રેમીએ SUV ગાડીથી તેમને ટક્કર મારી દીધી હતી. આના પરિણામે બંને જમીન પર પટકાઈ ગયા હતા. જેમાં પતિને ગંભીર ઈજા પહોંચી જ્યારે યુવક ગાડીથી બહાર આવ્યો અને પરિણિતાને ઉઠાવીને ભાગી ગયો હતો. તેણે બળજબરી પૂર્વક પૂર્વ પ્રેમિકાને પોતાની ગાડીમાં બેસાડી દીધી હતી. આ સમયે તેણે પૂર્વ પ્રેમિકાના પતિને પણ ઢોર માર માર્યો હતો અને પછી ગાડી પૂર ઝડપે ભગાડી દીધી હતી.
પતિએ આ અંગે તાત્કાલિક પોલીસ સ્ટેશને ફરિયાદ નોંધાવી દીધી હતી. જેના કારણે પોલીસે ધોળવામાં પુલેન સર્કલ પાસે બેરિકેડ લગાવી દીધા હતા. આથી કરીને તે યુવક ભાગી ન જાય. પરંતુ દૂરથી જ શખસે આ બધો પોલીસ બંદોબસ્ત જોઈ લીધો હતો જેના પરિણામે તેણે ગાડી ધીમી કરવાને બદલે પૂર ઝડપે ભગાડી દીધી હતી. 2 પોલીસ અધિકારીઓ ગાડીની સામે આવી ગયા અને તેને રોકવાનો પ્રયાસ કરી રહ્યા હતા. તો યુવકે ગુસ્સામાં બંને પોલીસ કર્મચારીને જ હવામાં ફંગોળી દીધા હતા.
આ સમયે રસ્તામાં જે પણ વાહન SUVની વચ્ચે આવતું હતું તેને અથડાઈને ભાગતો ફરતો હતો. આ સમયે પોલીસ અધિકારી સહિત 6 લોકોને ગંભીર ઈજા પહોંચી હતી. જોકે યુવક ત્યાં રોકાયો નહીં અને પૂર્વ પ્રેમિકાને ક્યાં લઈ ગયો અને શું કર્યું એ રહસ્ય જ રહી ગયું છે. પરિણિતાના પતિએ પોલીસ ફરિયાદમાં જણાવ્યું છે કે અગાઉ પણ આ શખસ તેની પત્નીને લગ્ન પહેલા ઉઠાવી ગયો હતો. બળજબરી પૂર્વક સાથે રાખતો અને ન કરવાનું કરતો રહ્યો હતો.
જોકે માતા પિતાએ ગુજરાત હાઈકોર્ટનો સહારો લીધો. ત્યારપછી હેબિસ કોર્પસ હિયરિંગ સુધી મામલો પહોંચ્યો હતો. આ સમયે પણ યુવતીને તેના માતા પિતા સાથે રહેવું હતું પરંતુ આ શખસ તેને પરાણે રાખવા માગતો હતો. હવે પોલીસ અધિકારીઓ અને પૂર્વ પ્રેમિકા તથા એના પતિને અડફેટે લેવાના ગુના બદલ આ નબીરાની ધરપકડ કરવામાં આવી છે. તેની સામે એટેમ્પ્ટ ઓફ મર્ડરનો કેસ કરી આગળ કાર્યવાહી કરાશે.
આ પણ વાંચો:અમદાવાદ પોલીસ નવરાત્રીને લઈ એક્શનમાં, તૈયાર કર્યો ખાસ પ્લાન
આ પણ વાંચો:અમદવાદમાં એક સપ્તાહમાં હવાની ગુણવત્તા સૂચકાંક 80-100 રહી
આ પણ વાંચો:દરેક સનાતની હિન્દુઓએ અવશ્ય તિલક કરીને આવવુંઃ ફતેસિંહ ચૌહાણ
આ પણ વાંચો:અમદાવાદ શહેર પોલીસની મોટી કાર્યવાહી શહેરના 215 થી વધુ સ્પા પર દરોડા
