China Court Ruling on AI and Jobs: આર્ટિફિશિયલ ઇન્ટેલિજન્સ (AI) ના કારણે વિશ્વભરમાં નોકરીઓ ગુમાવવાનો ડર વધી રહ્યો છે ત્યારે ચીનની અદાલતે શ્રમિકોના હિતમાં એક મોટો ચુકાદો આપ્યો છે. અદાલતે સ્પષ્ટ કર્યું છે કે કંપનીઓ માત્ર પૈસા બચાવવા કે કોસ્ટ-કટિંગના નામે કર્મચારીઓને હટાવીને તેમની જગ્યાએ AI નો ઉપયોગ કરી શકશે નહીં.
શું છે કોર્ટનો ચુકાદો?
હાંગઝોઉની એક અદાલતે ટેક સેક્ટરમાં વધી રહેલા ઓટોમેશન અને કર્મચારીઓના અધિકારો વચ્ચે સંતુલન જાળવવા આ મહત્વનો નિર્ણય સંભળાવ્યો છે:
ગેરકાયદેસર છટણી: કોર્ટે એક ટેક કંપનીના પગલાને ‘ગેરકાયદેસર’ ગણાવ્યું છે, જેમાં કંપનીએ એક કર્મચારીનું કામ AI ને સોંપી દીધું હતું અને તેના કારણે કર્મચારીના પગારમાં મોટો કાપ મૂકી છેવટે તેને નોકરીમાંથી કાઢી મૂક્યો હતો.
મજદૂર અધિકારોની જીત: અદાલતે ઠેરવ્યું કે કંપનીઓ કાયદેસર રીતે માત્ર નફો વધારવા કે ખર્ચ ઘટાડવા માટે માણસોને મશીનો (AI) થી બદલી શકે નહીં.
વૈશ્વિક સ્તરે અસર
સમગ્ર વિશ્વમાં અત્યારે મોટી કંપનીઓ એડવાન્સ ટેકનોલોજીના નામે કર્મચારીઓની છટણી કરી રહી છે. આવી સ્થિતિમાં ચીનની અદાલતનો આ નિર્ણય શ્રમિકોના અધિકારો માટે એક નવી મિસાલ બન્યો છે. આ ચુકાદો સાબિત કરે છે કે ટેકનોલોજીનો ઉપયોગ વિકાસ માટે થવો જોઈએ, નહીં કે લોકોની રોજીરોટી છીનવવા માટે.
આ પણ વાંચો :બાંગ્લાદેશમાં પિતાએ ચાલતી ટ્રેન નીચે કૂદીને 2 વર્ષના દીકરાને બચાવ્યો, રુંવાડા ઉભા કરી દેતો વીડિયો વાયરલ
આ પણ વાંચો :એર ઈન્ડિયા બ્લાસ્ટના 40 વર્ષ બાદ કેનેડાની આંખ ઉઘડી, રિપોર્ટમાં ખાલિસ્તાની ઉગ્રવાદને ગણાવ્યું મોટું જોખમ
આ પણ વાંચો :નાઈજીરિયામાં ISIS નું ખૂની તાંડવ, ગુયાકુ ગામમાં 29 નિર્દોષ નાગરિકોના મોતથી મચ્યો હાહાકાર
