ગુજરાતના જાણીતા હવામાન નિષ્ણાંત અંબાલાલ પટેલ (Ambalal Patel)ને લઈને છેલ્લા કેટલાક દિવસોથી ચર્ચાનો માહોલ ગરમાયો છે. તેમની આગાહીઓને લઈને ઉઠેલા વિવાદ બાદ હવે અનેક રાજકીય અને સામાજિક આગેવાનો ખુલ્લેઆમ તેમના સમર્થનમાં આગળ આવ્યા છે. પાટણના ધારાસભ્ય કિરીટ પટેલ (Kirit Patel) સહિત અનેક લોકપ્રતિનિધિઓએ અંબાલાલ પટેલના વર્ષોના અનુભવ અને ખેડૂતો માટેના યોગદાનની પ્રશંસા કરી છે.
તાજેતરમાં કેટલાક સંગઠનો દ્વારા અંબાલાલ પટેલ (Ambalal Patel)ની આગાહીઓ અંગે સવાલો ઉઠાવવામાં આવ્યા હતા. આ મુદ્દે પ્રતિક્રિયા આપતા ધારાસભ્ય કિરીટ પટેલે જણાવ્યું કે વર્ષોથી સમાજ અને ખેડૂતોને ઉપયોગી માહિતી આપતા વ્યક્તિનો માત્ર ચર્ચા મેળવવા માટે વિરોધ કરવો યોગ્ય નથી. તેમણે કહ્યું કે અંબાલાલ પટેલની આગાહીઓનો લાભ અનેક લોકો વર્ષોથી લઈ રહ્યા છે.
કિરીટ પટેલે (Kirit Patel) પોતાના એક અંગત અનુભવનો ઉલ્લેખ કરતાં જણાવ્યું કે એક સામાજિક કાર્યક્રમ દરમિયાન અંબાલાલ પટેલે હવામાન અંગે કરેલી આગાહી સાચી સાબિત થઈ હતી, જેના કારણે આયોજન સફળતાપૂર્વક પૂર્ણ થઈ શક્યું હતું. આવા અનેક અનુભવોને કારણે લોકોમાં તેમની આગાહીઓ પ્રત્યે વિશ્વાસ જોવા મળે છે.
તેમણે વધુમાં જણાવ્યું કે શ્રદ્ધા અને અંધશ્રદ્ધા વચ્ચેનો તફાવત સમજવો જરૂરી છે. અંબાલાલ પટેલની આગાહીઓ વર્ષોના અભ્યાસ, અનુભવ અને પરંપરાગત જ્ઞાનના આધારે કરવામાં આવે છે. તેથી તેમની કામગીરીને માત્ર અંધશ્રદ્ધા સાથે જોડવી યોગ્ય નથી.
ગુજરાતના ઘણા ખેડૂતો અને કૃષિ ક્ષેત્ર સાથે સંકળાયેલા લોકોનું માનવું છે કે લાંબા ગાળાની આગાહીઓ તેમને ખેતીની તૈયારી અને આયોજનમાં મદદરૂપ બને છે. ખેડૂતોમાં અંબાલાલ પટેલ (Ambalal Patel)ની આગાહીઓ અંગે વિશેષ રસ અને વિશ્વાસ જોવા મળે છે.
આ દરમિયાન અનેક પૂર્વ અને વર્તમાન લોકપ્રતિનિધિઓ તેમજ સામાજિક આગેવાનો પણ અંબાલાલ પટેલ (Ambalal Patel)ના સમર્થનમાં આગળ આવ્યા છે. મળતા સમર્થન અંગે પ્રતિક્રિયા આપતા અંબાલાલ પટેલે જણાવ્યું કે લોકો અને લોકપ્રતિનિધિઓનો વિશ્વાસ તેમના માટે ગૌરવની વાત છે. તેમણે કહ્યું કે હવે તેમની જવાબદારી વધુ વધી ગઈ છે અને ભવિષ્યમાં વધુ ઊંડા અભ્યાસ અને સંશોધન દ્વારા ખેડૂતો તથા સામાન્ય લોકોને વધુ ઉપયોગી માહિતી પહોંચાડવાનો પ્રયાસ કરશે.
ખેડૂતોના વિશ્વાસનું કેન્દ્ર Ambalal Patel
હાલ આ સમગ્ર મુદ્દો રાજ્યભરમાં ચર્ચાનો વિષય બન્યો છે, જેમાં એક તરફ પરંપરાગત આગાહીઓના સમર્થકો છે તો બીજી તરફ વૈજ્ઞાનિક અભિગમની માંગ કરનારા લોકો છે. જોકે, ખેડૂતોમાં અંબાલાલ પટેલની લોકપ્રિયતા અને વિશ્વાસ યથાવત જોવા મળી રહ્યો છે.
આ પણ વાંચો:અંબાલાલ પટેલ Vs વિજ્ઞાન જાથા: હવામાન આગાહીને લઈને વિવાદ ગરમાયો, જયંત પંડ્યાએ ઉઠાવ્યા સવાલ
આ પણ વાંચો:અંબાલાલ પટેલે ગરમીમાં ઘટાડાના આપ્યા સંકેત, જાણો કઈ તારીખથી મેઘરાજા કરશે એન્ટ્રી
આ પણ વાંચો:ગુજરાતમાં આ તારીખે બેસશે ચોમાસું, અંબાલાલ પટેલે કરી વાવાઝોડા અને વરસાદની આગાહી
