ઓમિક્રોન વેરિઅન્ટ સામાન્ય હોય પરતું યુએસમાં નવા કોરોના દર્દીઓની સંખ્યા નવા રેકોર્ડ સ્તરે પહોંચી ગઈ છે. સોમવારે દેશમાં 11 લાખથી વધુ દર્દીઓ મળી આવ્યા છે. હોસ્પિટલમાં દાખલ લોકોની સંખ્યા પણ અત્યાર સુધીની સૌથી વધુ થઈ ગઈ છે.આ પહેલા 3 જાન્યુઆરીએ અમેરિકામાં 10 લાખ 3 હજારથી વધુ નવા દર્દીઓ મળી આવ્યા હતા.
દર્દીઓની વધતી સંખ્યા દર્શાવે છે કે ઝડપથી ફેલાતો ઓમિક્રોન યુ.એસ.માં પાયમાલ કરી રહ્યો છે. ઓમિક્રોન જે એક ચિંતાજનક પ્રકાર માનવામાં આવે છે, તેણે યુ.એસ.માં હોસ્પિટલમાં દાખલ થવાની સંખ્યા સર્વકાલીન ઉચ્ચ સ્તરે લાવી છે. આ આંકડો છેલ્લા ત્રણ સપ્તાહમાં રેકોર્ડ સ્તરે પહોંચી ગયો છે જે ગયા વર્ષે જાન્યુઆરીમાં 1,32,051 હતો.
જોન્સ હોપકિન્સ યુનિવર્સિટીના ડેટા અનુસાર, રવિવારે, યુએસમાં કુલ કોવિડ -19 કેસ 60 મિલિયન સુધી પહોંચી ગયા. જાન્યુઆરી 2020 થી અત્યાર સુધીમાં દેશમાં 8,37,594 લોકોના મોત થયા છે.
અત્યંત ચેપી ઓમિક્રોન વેરિઅન્ટને કારણે, કોવિડ દર્દીઓની ભરતી ઝડપથી વધી રહી છે, યુએસની ઘણી હોસ્પિટલોએ અન્ય દર્દીઓ માટે સર્જરી બંધ કરી દીધી છે. આંકડાઓ અનુસાર, અમેરિકામાં પ્રતિ 10 લાખ લોકો પર દરરોજ 2130 થી વધુ દર્દીઓ સંક્રમિત થઈ રહ્યા છે.
બીજી તરફ ફ્રાન્સમાં કોવિડ-19ના કેસોમાં ચિંતાજનક વધારો જોવા મળી રહ્યો છે. ત્યાંની સ્થિતિ બ્રિટન જેવી છે. સાત દિવસની સરેરાશ મુજબ, ફ્રાન્સમાં મિલિયન લોકો દીઠ આશરે 4,000 દૈનિક કેસ છે.
