કેન્દ્રીય ગૃહમંત્રી અમિત શાહે લદ્દાખમાં ભારત અને ચીનનાં વિવાદ અંગે કહ્યું છે કે, આપણી જમીનને એક ઇંચ પણ કોઈ લઈ શકશે નહીં. ભારત-ચાઇનાનાં સ્ટેન્ડઓફ પર ગૃહમંત્રી અમિત શાહે શનિવારે કહ્યું કે, મોદી સરકાર ભારતની એક-એક ઇંચ જમીનને બચાવવા માટે સંપૂર્ણ સક્ષમ છે. ભારતીઓની ધરતી પર કોઈ કબજો નહીં કરી શકે.
અમિત શાહે કહ્યું કે, ભારત ચીનમાં લદ્દાખ ગતિરોધનાં સમાધાન માટે તમામ સંભવિત લશ્કરી અને રાજદ્વારી નિર્ણયો લઈ રહ્યું છે. અમિત શાહે કહ્યું કે, ભારત પૂર્વ લદ્દાખમાં નિયંત્રણ રેખાની સાથે જે કંઈ પણ થઈ રહ્યું છે તેના માટે રાજદ્વારી અને લશ્કરી બંને રીતે જવાબ આપવા સક્ષમ છે. અમિત શાહે કહ્યું, સૈન્ય અને રાજદ્વારી કક્ષાની વાટાઘાટો ચાલી રહી છે. એક ઈન્ટરવ્યૂંમાં અમિત શાહે જવાબ આપ્યો હતો કે, શું ચીને ભારતીય ક્ષેત્રમાં પ્રવેશ કર્યો છે, “અમે અમારા વિસ્તારને લઇને સાવચેત છીએ, કોઈ તેને કબજે કરી શકશે નહીં.” અમારી સૈન્ય અને નેતૃત્વ દેશની સાર્વભૌમત્વ અને સીમાનું રક્ષણ કરવામાં સંપૂર્ણ રીતે સક્ષમ છે.’ અમિત શાહે કહ્યું કે, સૈન્ય અને રાજદ્વારી કક્ષાની વાટાઘાટો થઈ રહી છે. હું (વાતચીત પર) કોઈ ટિપ્પણી કરવા માંગતો નથી, પરંતુ હું (વડા પ્રધાન) નરેન્દ્ર મોદીએ જે કહ્યું છે તેની પુનરાવર્તન કરીશ. આપણે આપણી જમીનના દરેક ઇંચ વિશે જાણીએ છીએ અને કોઈ પણ તે અમારી પાસેથી છીનવી શકશે નહીં.
જ્વેલરી બ્રાન્ડ તનિષ્કની જાહેરાત અંગેના વિવાદ અંગે અમિત શાહે કહ્યું હતું કે, “ભારતનાં મૂડિયા ખૂબ જ મજબૂત છે અને આવી નાની ઘટનાઓ ભારતની સામાજિક સમરસતાને તોડવામાં સફળ થઈ શકતી નથી.” આવા નાના હુમલાઓ આપણને નુકસાન પહોંચાડી શકે નહીં. ભારતે ઘણા હુમલા જોયા છે, બ્રિટિશરોએ પણ તેનો પ્રયાસ કર્યો છે. કોંગ્રેસે પણ તેનો પ્રયાસ કર્યો. પરંતુ તે અતૂટ છે. હું માનું છું કે ત્યાં કોઈ હાયપરએક્ટિવિટી હોવી જોઈએ નહીં. બિહારની ચૂંટણી અંગે વાત કરતા અમિત શાહે સ્પષ્ટ કર્યું છે કે નીતીશ કુમાર બિહારના મુખ્યમંત્રી રહેશે. અમિત શાહે કહ્યું, ‘અગર, મગરોની વાત નથી. નીતીશ કુમાર બિહારના આગામી મુખ્યમંત્રી રહેશે. અમે જાહેરમાં જાહેરાત કરી છે અને અમે તેના માટે પ્રતિબદ્ધ છીએ. લોક જનશક્તિ પાર્ટી અને ચિરાગ પાસવાન વિશે વાત કરતા અમિત શાહે કહ્યું કે, તેમના પક્ષને પૂરતી સંખ્યામાં બેઠકોની ઓફર કરવામાં આવી હતી પરંતુ તેમ છતાં તેઓ સંમત થયા નથી. મહાગઠબંધનથી તૂટી જવાનો તેનો નિર્ણય હતો. અમારું નહીં.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશ
