Amreli News: અમરેલી જિલ્લાના જાફરાબાદ તાલુકામાં લુણસાપુર ગામ નજીક ટ્રક અને બાઈક વચ્ચે અકસ્માત (Amreli Truck Accident) સર્જાયો હતો. આ અકસ્માતમાં 22 વર્ષીય બાઈકચાલકનું મૃત્યુ થયું છે. ઘટનાની જાણ થતાં સ્થાનિક પોલીસ સ્થળ પર પહોંચી હતી અને આગળની કાર્યવાહી હાથ ધરી હતી.

Amreli Truck Accident: પાછળથી ટ્રકની ટક્કર લાગતાં અકસ્માત

મળતી માહિતી અનુસાર, લુણસાપુર (Lunsapur Accident) નજીકથી બાઈક પર પસાર થઈ રહેલા 22 વર્ષીય યુવકને પાછળથી આવી રહેલા ટ્રકે ટક્કર મારી હતી. અકસ્માતને પગલે આસપાસના લોકો અને અન્ય વાહનચાલકો સ્થળ પર એકઠા થઈ ગયા હતા. ત્યારબાદ 108 એમ્બ્યુલન્સને ઘટનાસ્થળે બોલાવવામાં આવી હતી.

હોસ્પિટલ ખસેડાયો, પરંતુ જીવ બચી શક્યો નહીં

ઘટના બાદ 108ની ટીમ બાઈકચાલકને જાફરાબાદની સરકારી હોસ્પિટલમાં લઈ ગઈ હતી. જોકે, અકસ્માતમાં યુવકનું મૃત્યુ થયું હોવાનું જાણવા મળ્યું છે.

પોલીસે તપાસ હાથ ધરી

અકસ્માતની જાણ થતાં સ્થાનિક પોલીસની ટીમ ઘટનાસ્થળે પહોંચી હતી. પોલીસે અકસ્માત અંગે ગુનો નોંધી ટ્રકચાલકની ભૂમિકા સહિતના મુદ્દે તપાસ શરૂ કરી છે.

આ પણ વાંચો: મોરબી અકસ્માત: ડમ્પરની ટક્કરે કારનો કચ્ચરઘાણ, 2 શ્રમિકોનાં મોત

આ પણ વાંચો: ગાંધીનગરમાં કરુણ અકસ્માત! ઘર નજીક સાયકલ ચલાવતા 5 વર્ષના દેવાંશનું મોત

આ પણ વાંચો: રસ્તાની વચ્ચે ઝાડ કે અકસ્માતને આમંત્રણ? રામોલમાં તંત્રને જગાડવા સ્થાનિકોની રજૂઆત