દિલ્હીના જહાંગીરપુરીમાં હિંસા બાદ હવે શાંતિ અને સુલેહ-શાંતિ માટેના પ્રયાસો થઈ રહ્યા છે. જહાંગીરપુરીમાં પરસ્પર ભાઈચારો વધારવા માટે આજે ઈફ્તાર પાર્ટીનું આયોજન થવા જઈ રહ્યું છે. રવિવારે ખભે ખભા મિલાવીને લોકોએ તિરંગા યાત્રા કાઢી અને ભારત માતાના નારા લગાવ્યા. યાત્રા કાઢીને લોકોને પરસ્પર ભાઈચારાનો સંદેશો આપ્યો હતો. નાના બાળકોના હાથમાં ત્રિરંગો દેખાયો. બાળકોથી લઈને વડીલો સુધીના ચહેરા પર સ્મિત જોવા મળ્યું.હવે જહાંગીરપુરીના લોકોએ પરસ્પર સૌહાર્દ અને એકતા વધારવા માટે વધુ એક પગલું ભર્યું છે. જહાંગીરપુરીમાં આજે ઈફ્તાર પાર્ટીનું આયોજન થવા જઈ રહ્યું છે. બંને સમુદાયના લોકો વિસ્તારમાં સર્જાયેલા તણાવને સમાપ્ત કરવા અને જીવનને પાટા પર લાવવા માટે પહેલ કરતા જોવા મળે છે.
16 એપ્રિલના રોજ સાંપ્રદાયિક હિંસા પછી શાંતિ અને સૌહાર્દનો સંદેશ મોકલતા, હિન્દુઓ અને મુસ્લિમોએ રવિવારે જહાંગીરપુરી સી-બ્લોકમાં દિલ્હી પોલીસની મદદથી ‘તિરંગા યાત્રા’ કાઢી. બંને સમુદાયના લગભગ 50 લોકોને યાત્રામાં ભાગ લેવાની મંજૂરી આપવામાં આવી હતી. સી-બ્લોકના ઘણા રહેવાસીઓ રસ્તાના કિનારે ઊભા હતા, જ્યારે અન્ય લોકોએ તેમની બારી અને બાલ્કનીમાંથી રેલી જોઈ હતી. દર્શકોએ પણ તિરંગો લહેરાવ્યો હતો અને રેલીમાં સામેલ લોકો પર ફૂલોની વર્ષા કરી હતી. ઉત્તર-પશ્ચિમ દિલ્હીના ડેપ્યુટી પોલીસ કમિશનર ઉષા રંગનાનીએ જણાવ્યું હતું કે, આ રેલીએ સૌહાર્દ અને શાંતિનો સંદેશ આપ્યો હતો. બંને સમુદાયના સભ્યોએ દર્શાવ્યું કે ત્રિરંગો સર્વોચ્ચ પ્રાથમિકતા છે. તેમણે સંદેશ આપ્યો છે કે દેશ પહેલા આવે છે.
બીજી તરફ દિલ્હી પોલીસની ક્રાઈમ બ્રાન્ચ જહાંગીરપુરી હિંસા કેસની તપાસ કરી રહી છે અને આરોપીઓની શોધમાં દરોડા પણ પાડવામાં આવી રહ્યા છે. હિંસા કેસમાં 5 આરોપીઓ પર NSA પણ લગાવવામાં આવી છે અને હવે તેમની પોલીસ કસ્ટડી 1 મે સુધી લંબાવવામાં આવી છે. આ સાથે જ પોલીસ મુખ્ય આરોપી અંસાર પર પણ સકંજો કસવામાં આવી રહી છે. મની લોન્ડરિંગનો કેસ નોંધવામાં આવ્યો છે. તો છેલ્લા બે મહિનાની કોલ ડિટેઈલની પણ તપાસ કરવામાં આવી રહી છે, જેથી આ હિંસા પાછળ સંડોવાયેલા ષડયંત્રકારોને શોધી શકાય.
