પાંચ રાજ્રાયોની ચૂંટણી મામલે રાષ્ટ્રીય સ્વયંસેવક સંઘ અને ભારતીય જનતા પાર્ટી સહિત તેમના તમામ મોટા સંગઠનોને 3 સપ્ટેમ્બરથી મુખ્ય મથક ખાતે વિચારધારા સત્ર માટે બોલાવામાં આવ્યા છે છે. એક આરએસએસ કાર્યકર્તાએ કહ્યું કે બેઠકનો ઉદ્દેશ એ સુનિશ્ચિત કરવાનો છે કે ભાજપ ઉત્તર પ્રદેશ, પંજાબ, ઉત્તરાખંડ, ગોવા અને મણિપુર રાજ્યોમાં યોજાનારી યૂંટણીમાં સારું પ્રદર્શન કરે અને જીત મેળવે. આરએસએસએ ભાજપ, ભારતીય મજૂર સંઘ, અખિલ ભારતીય વિદ્યાર્થી પરિષદ અને ભારતીય કિસાન સંઘ સહિત તમામ અંગોના સંગઠન સચિવોને આ બેઠકમાં બોલાવ્યા છે.
આરએસએસના વરિષ્ઠ કાર્યકર્તા અરવિંદ કુકડેએ જણાવ્યું હતું કે સંઘ પરિવારના લગભગ 60 અગ્રણી નેતાઓ જે વિવિધ સંગઠનોનું પ્રતિનિધિત્વ કરે છે અને આરએસએસની કેન્દ્રીય કારોબારી સમિતિના સભ્યો ચાર દિવસીય પરિષદમાં ભાગ લેશે. આરએસએસના વડા મોહન ભાગવત, સરકારવાહ દત્તાત્રેય હોસાબોલે અને ભૂતપૂર્વ સરકારવાહ ભૈયાજી જોશી પણ સભાને સંબોધિત કરશે.
આરએસએસ ઉત્તર પ્રદેશમાં યોગી આદિત્યનાથની સરકારથી ખુશ છે અને યુપીની ચૂંટણીમાં તેમની ટીમને પૂરા દિલથી ટેકો આપવાનો નિર્ણય લેવામાં આવ્યો છે. આ સિવાય દેશના સૌથી મોટા રાજ્યમાં આગામી વર્ષે યોજાનારી ચૂંટણીમાં સ્વયંસેવકોને સક્રિય કરવામાં આવશે. પંજાબ, યુપી, હરિયાણા અને દિલ્હીમાં ચાલી રહેલા ખેડૂતોના આંદોલન પર પણ ચર્ચા થઈ શકે છે અને તેને ઉકેલવા માટે કેન્દ્ર સરકારને અપીલ કરી શકાય છે.
સંઘ ઈચ્છે છે કે સરકાર કૃષિ પેદાશો માટે ન્યૂનતમ બાંયધરીકૃત ભાવ (એમજીપી) રજૂ કરે અને મોદી સરકાર દ્વારા ગયા વર્ષે લાવવામાં આવેલા કૃષિ કાયદાઓમાં કૃષિ પેદાશો માટે લાભદાયી ભાવ સૂત્ર ઉમેરવામાં આવે. કુકડે કહ્યું કે આરએસએસની બેઠકમાં કોરોના પ્રોટોકોલનું ચુસ્તપણે પાલન કરવામાં આવશે. અગાઉ 2020 માં, બેંગલુરુમાં અખિલ ભારતીય પ્રતિનિધિ સભાની સૂચિત બેઠક કોરોનાને કારણે રદ કરવામાં આવી હતી.
અલ્હાબાદ હાઇકોર્ટ / ગાયને રાષ્ટ્રીય પશુ તરીકે જાહેર કરવામાં આવે ,ભારતની સંસ્કૃૃતિ છે : અલ્હાબાદ હાઇકોર્ટ
