અલવર જિલ્લાના ભીવાડીથી પાકિસ્તાન ગયેલા અંજુ અને નસરુલ્લાનો નવો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં નસરુલ્લાના સંબંધીઓ અને પરિવારના સભ્યો અંજુને ભેટ આપતા જોવા મળે છે. અંજુએ પાકિસ્તાનના ખૈબર પખ્તુનખ્વા પ્રાંતમાં ફાતિમા બનીને તેના ફેસબુક મિત્ર નસરુલ્લા સાથે લગ્ન કર્યા.
પાકિસ્તાન ગયા બાદ અંજુના એક પછી એક નવા વીડિયો સોશિયલ મીડિયા પર વાયરલ થઈ રહ્યા છે. જે બંને દેશો વચ્ચે ચર્ચાનો વિષય બની રહે છે.
નવા વિડિયોમાં અંજુ અને નસરુલ્લા ઉભેલા જોવા મળે છે, જેમને સગા-સંબંધીઓ અને પરિવારજન આવીને ભેટ આપી રહ્યા છે. આ વીડિયોમાં એક વ્યક્તિ અંજુના દસ્તાવેજો પણ તપાસતો જોવા મળે છે. જુઓ વિડિયોઃ-
બીજી તરફ, અંજુ પોતે અત્યાર સુધી લગ્નને નકારી રહી છે. તેણીનો દાવો છે કે તે ટૂંક સમયમાં ભારત પરત ફરશે. પરંતુ નવા વિડિયોએ ફરી એકવાર આ અંજુને લાઇમલાઇટમાં લાવી દીધી છે. કારણ કે આ પુષ્ટિ કરે છે કે હવે તે ભાગ્યે જ ભારત પરત ફરશે. જોકે, એ સમજાતું નથી કે અંજુ વારંવાર ખોટું કેમ બોલી રહી છે?
આના બે દિવસ પહેલા અંજુ અને નસરુલ્લા એક વીડિયોમાં તેમના સાથીદારો સાથે ડિનર કરતા જોવા મળ્યા હતા. જ્યારે પાકિસ્તાનના ખૈબર પખ્તુનખ્વા વિસ્તારમાં મહિલાઓને પુરૂષો સાથે બેસીને ખાવાની છૂટ નથી. મુસ્લિમ કટ્ટરપંથીઓની મહિલાઓ પર ભારે પ્રતિબંધ છે. તે વિસ્તારમાં મહિલા આ રીતે પુરૂષો સાથે ખુલ્લેઆમ ખોરાક પણ ખાઈ શકતી નથી. પરંતુ અંજુના કેસમાં ખાસ છૂટ આપવામાં આવી રહી છે.
ઉલ્લેખનીય છે કે, ભૂતકાળમાં પાકિસ્તાન ગયેલી અંજુ (34) મધ્ય પ્રદેશના ગ્વાલિયર જિલ્લાની રહેવાસી છે. ઉત્તર પ્રદેશના બલિયા જિલ્લાના રહેવાસી અને હાલ ભિવડી (રાજસ્થાનના અલવર જિલ્લો)માં રહેતા અરવિંદ સાથે અંજુએ લગભગ 17 વર્ષ પહેલાં એરેન્જ્ડ મેરેજ કર્યા હતા. આ દંપતીને બે બાળકો (15 વર્ષની પુત્રી અને 7 વર્ષનો પુત્ર) પણ છે.
અંજુ અને પાકિસ્તાની નાગરિક નસરુલ્લા (29) 2019માં ફેસબુકના માધ્યમથી મિત્રો બન્યા હતા. પરિણીત મહિલાએ તેના પાકિસ્તાની મિત્ર નસરુલ્લાને મળવા માટે કાયદેસર રીતે ખૈબર પખ્તુનખ્વાના અપર ડીર જિલ્લામાં વિઝા લીધો હતો. હવે પાકિસ્તાની પ્રશાસનનો દાવો છે કે ભારતીય મહિલાએ તેના મિત્ર સાથે લગ્ન કરી લીધા છે.
આ પણ વાંચો:India-Britain Relation/ભારત અને બ્રિટન વચ્ચે ફ્રી ટ્રેડ એગ્રીમેન્ટ થશે, કેટલાક મુદ્દા ઉકેલવાના પ્રયાસો ચાલુ
આ પણ વાંચોકોવિડ-19/કોરોનાનું નવું વેરિઅન્ટ મળતાં દુનિયામાં ખળભળાટ,સૌથી વધુ ઘાતક હોવાનું અનુમાન
આ પણ વાંચો:Seema Haider/પાકિસ્તાન ખોટું બોલી રહ્યું છે, મારી પાકિસ્તાની પત્ની… સીમા હૈદરના પતિએ બિલાવલ ભુટ્ટોના મંત્રાલયનો પર્દાફાશ કર્યો