Gujarat News : ગુજરાત સ્ટેટ એવિએશન ઈન્ફ્રાસ્ટ્રક્ચર કંપની લિમિટેડ (GUJSAIL)ના ભૂતપૂર્વ ડિરેક્ટર અજય ચૌહાણે ગુજરાત હાઈકોર્ટમાં આગોતરા જામીન અરજી દાખલ કરી છે જેમાં તેમની અને અન્ય બે વિરુદ્ધ સત્તાનો દુરુપયોગ અને સરકારી તિજોરીને રૂૂ. 72 લાખનું નુકસાન પહોંચાડવાના આરોપ હેઠળ કેસ દાખલ કરવામાં આવ્યો હતો. અજય ચૌહાણે હાઈકોર્ટમાં અરજી કરી છે. કારણ કે સ્પેશિયલ ACB કોર્ટે તાજેતરમાં તેની અરજી ફગાવી દીધી હતી.કેસ મુજબ અજય ચૌહાણ, રોયલ ઓરિએન્ટ ટુર્સ એન્ડ ટ્રાવેલ્સ કંપનીના માલિક અને કેશમેક એવિએશનના ડિરેક્ટર અલ્પેશ ત્રિપાઠી તેમજ ઓરિએન્ટ ટુર્સ એન્ડ ટ્રાવેલ્સ કંપનીના કર્મચારી અલ્પેશ પ્રજાપતિ સાથે મળીને ભ્રષ્ટાચારમાં સંડોવાયેલા હતા.
ACBએ જામીન અરજીનો વિરોધ કરવા ACB કોર્ટ સમક્ષ એફિડેવિટ દાખલ કરી હતી અને એવી રજૂઆત કરી હતી કે તપાસમાં જાણવા મળ્યું છે કે ચૌહાણે GUJSAILમાં નોકરી કરતો હોવા છતાં ખાનગી કંપનીને પેઇડ પાઇલોટ સેવાઓ ઓફર કરી હતી. ઉપરાંત, તેણે અંગત ઉપયોગ માટે અને મિત્રો અને પરિવારને લાવવા માટે સરકારી વિમાનનો ઉપયોગ કર્યો હતો.
આ પણ વાંચોઃ સમગ્ર ગુજરાત વરસાદમાં તરબોળ, વાવણીલાયક વર્ષાથી ખેડૂતો ખુશખુશાલ
આ પણ વાંચોઃ રાજ્યમાં આગામી 5 દિવસ ભારે વરસાદની આગાહી, દરિયાકિનારા પર એલર્ટની સ્થિતિ
આ પણ વાંચોઃ નવરાત્રી પહેલા ગુજરાતમાં ફરી થશે વાતાવરણ પલટો: આ વિસ્તારોમાં ચાર દિવસ વરસાદની આગાહી
