Aravalli News : અરવલ્લી જિલ્લાના કલેક્ટરનું ફેક ID બનાવવામાં આવતા સામાન્ય લોકોની સુરક્ષા સામે સવાલ ઉભો થયો છે. જેમાં કલેક્ટર પ્રશસ્તિ પારીકના ફોટો સાથેનું ફેક ID બનાવવામાં આવ્યું છે. આ નકલી આઈડી દ્વારા કલેક્ટરના પરિચિતોને મેસેજ મોકલવામાં આવ્યા હતા. જેને પગલે કલેકટરે આ ફેક ID સંદર્ભે જાહેર જનતાને જાણ કરતો સંદેશો આપ્યો હતો.
તેમણે સોશિયલ મીડિયાના માધ્યમથી ફેક ID અંગે જાણકારી આપી હતી. કલેક્ટરે લોકોને આ ફેક IDની જાળમાં ફસાઈ ન જવા અપીલ કરી હતી. જેના માટે તેમણે ફેક IDનો સ્ક્રિન શોટ શેર કરીને લોકોને અપીલ કરી હતી. પ્રાથમિક તપાસમાં ફેક IDમાં ઉપયોગ કરાયેલ નંબર શ્રીલંકાનો હોવાની માહિતી બહાર આવી છે. કલેક્ટરના આ ફેક ID સંદર્ભે સાયબર ક્રાઈમ દ્વારા કાર્યવાહી કરવામાં આવશે.
આ પણ વાંચો:નડિયાદમાં લૂંટારૂઓનો નિષ્ફળ પ્રયાસ, વેપારીએ બતાવી બહાદુરી
આ પણ વાંચો:યુટ્યુબમાં જોઈને નકલી નોટો છાપી : SOGએ નડિયાદમાંથી એક લાખની બનાવટી નોટો ઝડપી, બે શખ્સો ઝડપાયા
આ પણ વાંચો:ગુજરાતમાં વધુ એક લઠ્ઠાકાંડ ખેડાના નડિયાદમાં ત્રણ વ્યક્તિના શંકાસ્પદ મોત
