યજમાન ટીમના 7 એવા બેટ્સમેન હતા જે બે આંકડાને પણ સ્પર્શી શક્યા ન હતા. બોલિંગ એટલી ઘાતક હતી કે આફ્રિકન ટીમના ત્રણ બેટ્સમેનોએ શૂન્ય પર પોતાની વિકેટ ગુમાવી દીધી હતી. અર્શદીપ સિંહ ઘરઆંગણે દક્ષિણ આફ્રિકા સામે 5 વિકેટ લેનારો પ્રથમ ઝડપી બોલર સાબિત થયો હતો. આ સાથે જ અવેશ ખાને 4 બેટ્સમેનોને પેવેલિયન મોકલ્યા હતા. જોકે, ફાલ્કાઓના 33 રનોએ ટીમનું સન્માન બચાવ્યું અને 100નો આંકડો પાર કર્યો. જ્યારે, જવાબમાં શ્રેયસ અય્યર અને નવોદિત સાઈ સુદર્શને તેમની પ્રતિભા બતાવી.
સુદર્શને ડેબ્યૂ મેચમાં ફિફ્ટી ફટકારી હતી
કેએલ રાહુલે સાઈ સુદર્શનને માત્ર પ્લેઈંગ ઈલેવનમાં જ નહીં પરંતુ ઓપનિંગ બેટ્સમેન તરીકે પણ તક આપી હતી. ઋતુરાજ ગાયકવાડ ઓપનીંગ પર ન ઉતર્યો. શ્રેયસ અય્યર ત્રીજા નંબરે બેટિંગ કરવા આવ્યો હતો અને તેણે વિસ્ફોટક શૈલી બતાવી હતી. સાઈ સુદર્શને 43 બોલમાં 9 ચોગ્ગાની મદદથી 55 રનની મેચ વિનિંગ ઇનિંગ રમી હતી. બીજા છેડે શ્રેયસ અય્યરે પણ 52 રનની શાનદાર ઇનિંગ રમી હતી. બંને બેટ્સમેનોની શાનદાર ઈનિંગ્સના કારણે ટીમ ઈન્ડિયાએ દક્ષિણ આફ્રિકાને 8 વિકેટે હરાવ્યું છે.
વનડે શ્રેણીની બીજી મેચ યજમાન ટીમ માટે કરો યા મરો જેવી હશે. બંને ટીમો 19 ડિસેમ્બરે સામસામે ટકરાશે. જો ટીમ ઈન્ડિયા બીજી મેચ પણ જીતી જશે તો સિરીઝ પર કબજો કરી લેશે.
