એશિઝ પાંચમી Test: ઓસ્ટ્રેલિયાએ મેચ પર સંપૂર્ણ પકડ જમાવી

Sports News : એશિઝ 2025-26ની પાંચમી ટેસ્ટ (Test) ના ત્રીજા દિવસે ઓસ્ટ્રેલિયાએ મેચ પર સંપૂર્ણ પકડ જમાવી લીધી. ઓપનર ટ્રેવિસ હેડ (163) અને સ્ટેન્ડ-ઇન કેપ્ટન સ્ટીવ સ્મિથ (129*)ની શાનદાર સદીઓના દમ પર ઓસ્ટ્રેલિયા મજબૂત સ્થિતિમાં પહોંચી ગયું છે, જ્યારે ઇંગ્લેન્ડ હવે સ્પષ્ટ રીતે બેકફૂટ પર છે.

સિડની ક્રિકેટ ગ્રાઉન્ડ ખાતે ત્રીજા દિવસના અંતે ઓસ્ટ્રેલિયાએ પોતાની પ્રથમ ઇનિંગમાં 518 રન બનાવી લીધા છે અને ઇંગ્લેન્ડ સામે 134 રનની લીડ મેળવી છે. દિવસ દરમિયાન ઓસ્ટ્રેલિયાએ સાત વિકેટ ગુમાવી, પરંતુ હેડ–સ્મિથની જોડીએ ઇંગ્લેન્ડની આશાઓ પર પાણી ફેરવી દીધું.

ટેસ્ટ(Test) માં ટ્રેવિસ હેડનો ઐતિહાસિક શો

ત્રીજા દિવસની શરૂઆત ઓસ્ટ્રેલિયાએ 218 રનથી પાછળ અને 8 વિકેટ બાકી સાથે કરી હતી. ટ્રેવિસ હેડે આક્રમક બેટિંગ કરી ઇંગ્લિશ બોલરો પર હાવી થયા. તેમણે 105 બોલમાં પોતાની ટેસ્ટ (Test) સદી પૂરી કરી, જે તેમની કારકિર્દીની 12મી અને સિડનીમાં પ્રથમ ટેસ્ટ (Test) સદી હતી.

હેડે એશિઝમાં પ્રતિ બોલ સૌથી ઝડપી 150 રન બનાવવાનો સર ડોન બ્રેડમેનનો 96 વર્ષ જૂનો રેકોર્ડ તોડી નાખ્યો. બ્રેડમેને 166 બોલમાં 150 રન બનાવ્યા હતા, જ્યારે હેડે માત્ર 152 બોલમાં 150 રન પૂરા કર્યા. અંતે તેઓ 163 રન બનાવીને જેકબ બેથેલના બોલ પર આઉટ થયા. તેમની ઇનિંગમાં 24 ચોગ્ગા અને એક છગ્ગો સામેલ હતો.

સ્ટીવ સ્મિથની 37મી ટેસ્ટ (Test) સદી

સ્ટેન્ડ-ઇન કેપ્ટન સ્ટીવ સ્મિથે પણ પોતાના વર્ગનું પ્રદર્શન કર્યું. તેઓ દિવસના અંતે 205 બોલમાં 129 રન બનાવી અણનમ રહ્યા. આ તેમની 37મી ટેસ્ટ (Test) સદી અને એશિઝમાં 13મી સદી હતી. સ્મિથની ઇનિંગમાં 15 ચોગ્ગા અને એક છગ્ગો સામેલ રહ્યા.

બ્યુ વેબસ્ટર 58 બોલમાં 42 રન બનાવી અણનમ રહ્યા. માર્નસ લાબુશેને 48 અને માઈકલ નેસરે 24 રનનું યોગદાન આપ્યું.

ઇંગ્લેન્ડના બોલરોનું પ્રદર્શન

ઇંગ્લેન્ડ તરફથી બ્રાયડન કાર્સેએ 3 વિકેટ લીધી, જ્યારે કેપ્ટન બેન સ્ટોક્સને 2 સફળતા મળી. જોશ ટોંગ અને જેકબ બેથેલને 1-1 વિકેટ મળી.

ઇંગ્લેન્ડ 384 રનમાં ઓલઆઉટ

આ પહેલાં, પ્રથમ બેટિંગ કરતા ઇંગ્લેન્ડની ટીમ 384 રનમાં ઓલઆઉટ થઈ ગઈ હતી. જો રૂટે શાનદાર ઇનિંગ રમતા 242 બોલમાં 160 રન બનાવ્યા. હેરી બ્રુકે 84 અને જેમી સ્મિથે 46 રન ઉમેર્યા.

ઓસ્ટ્રેલિયા તરફથી માઈકલ નેસરે 4 વિકેટ ઝડપી, જ્યારે મિચેલ સ્ટાર્ક અને સ્કોટ બોલેન્ડને 2-2 વિકેટ મળી. કેમેરોન ગ્રીને 1 વિકેટ લીધી.