Assam Election Voting Pattern: આસામ વિધાનસભાની ચૂંટણીના પરિણામોની આતુરતાપૂર્વક રાહ જોવાઈ રહી છે, ત્યારે જનસત્તાની વિશેષ સિરીઝ ‘આંકડા બોલે છે’ હેઠળ છેલ્લા પાંચ વર્ષના વોટિંગ ટ્રેન્ડને સમજવાનો પ્રયાસ કરવામાં આવ્યો છે. આસામના ઈતિહાસમાં વોટિંગ પેટર્ન ઘણીવાર સત્તાના સમીકરણો બદલવામાં નિર્ણાયક સાબિત થઈ છે. ચાલો સમજીએ કે આસામના મતદારોનો મિજાજ શું કહી રહ્યો છે.

Assam વિધાનસભા ચૂંટણીનો વોટિંગ ટ્રેન્ડ (2001-2021)

શું 8% નો ઉછાળો સત્તા પરિવર્તન લાવે છે?

આસામના રાજકારણમાં સૌથી મોટો વળાંક 2016 માં આવ્યો હતો. 2011 માં 76.05% મતદાન હતું, જે 2016 માં સીધું વધીને 84.72% થઈ ગયું. આ 8.67% નો મોટો ઉછાળો આસામમાં પ્રથમવાર ભાજપની સરકાર લાવવામાં સફળ રહ્યો. આ ટ્રેન્ડ સ્પષ્ટ કરે છે કે જ્યારે મતદાનમાં 8% કે તેથી વધુનો મોટો ફેરફાર થાય છે ત્યારે સત્તા પરિવર્તનની શક્યતા વધી જાય છે.

હાઈ-પ્રોફાઈલ બેઠકોનો વોટિંગ પેટર્ન

1. જલુકબારી: મુખ્યમંત્રી હિમંતા બિસ્વા સરમાનો ગઢ

આ સીટ પરથી મુખ્યમંત્રી હિમંતા બિસ્વા સરમા વર્ષ ૨૦૦૧થી સતત જીતી રહ્યા છે. આ બેઠકના મતદાનના આંકડા જોઈએ તો વર્ષ 2021માં 34% મતદાન અને વર્ષ 2016માં 18% મતદાન નોંધાયું હતું. રાજકીય વિશ્લેષણ મુજબ, આ બેઠક પર મતદાનની ટકાવારી વધે કે ઘટે, પરંતુ પરિણામ બદલાતું નથી, કારણ કે જનતાનો ભરોસો હિમંતા બિસ્વા સરમા પર સતત અકબંધ રહ્યો છે.

2. જોરહાટ: સ્વિંગ સીટનો અંદાજ

ભાજપના હિતેન્દ્ર નાથ ગોસ્વામી અને કોંગ્રેસના ગૌરવ ગોગોઈ વચ્ચે અહીં જંગ છે. 2016 માં 11% વોટિંગ વધતા ભાજપે કોંગ્રેસ પાસેથી આ સીટ આંચકી લીધી હતી. અહીં જનતાનો મૂડ બદલાતો રહે છે, તેથી તેને ‘સ્વિંગ સીટ’ કહી શકાય.

3. દિસપુર: મતદાનમાં વધારો ભાજપને ફાયદો?

2011 માં 91% મતદાન હતું જે 2016 માં વધીને 80.09% થયું. આ 17% ના જંગી વધારાએ કોંગ્રેસને સત્તા બહાર કરી દીધી હતી. અહીં ઓછું મતદાન કોંગ્રેસ માટે અને વધુ મતદાન NDA માટે ફાયદાકારક સાબિત થાય છે.

4. શિવસાગર: સ્થાનિક મુદ્દાઓનું જોર

અહીં રાયજોર દળના અખિલ ગોગોઈ મેદાનમાં છે. શિવસાગરમાં ટ્રેન્ડ બતાવે છે કે માત્ર વોટિંગ ટકાવારી નહીં, પણ સ્થાનિક મુદ્દાઓ અને નવી પાર્ટીઓ સમીકરણો બદલી શકે છે.

5. બિહપુરિયા: ભાજપ vs કોંગ્રેસ

આ સીટ પર પણ 2016 માં 6.5% વોટ વધતા ભાજપે જીત મેળવી હતી. ટ્રેન્ડ મુજબ, જો મતદાનમાં મોટો ઉછાળો આવે તો જ અહીં પરિણામ બદલાય છે.

વિશ્લેષણના ત્રણ મુખ્ય તારણો

આસામના રાજકીય સમીકરણો મુજબ જો રાજ્યમાં સત્તા પરિવર્તન લાવવું હોય, તો મતદાનની ટકાવારીમાં 8% થી વધુનો ઉછાળો આવવો જરૂરી છે. આસામમાં હવે 80% થી વધુ મતદાન થવું એક સામાન્ય બાબત એટલે કે ‘ન્યુ નોર્મલ’ બની ગઈ છે. જો વોટિંગની ટકાવારી પાછલી ચૂંટણીની સરખામણીએ સમાન રહે, તો વર્તમાન સરકારને સત્તા જાળવી રાખવામાં ઘણી સરળતા રહે છે.

આ પણ વાંચો: આસામના સીએમ હિમંતા બિસ્વા સરમાએ ગુવાહાટીમાં કર્યું મતદાન

આ પણ વાંચો:બિહાર વિધાનસભા ચૂંટણીમાં NDAની સીટ શેરિંગ ફોર્મ્યુલાને અપાયું અંતિમ સ્વરૂપ

આ પણ વાંચો:મોદી કેબિનેટમાં મંત્રી હોવા છતાં પણ ચિરાગ પાસવાન વિધાનસભા ચૂંટણી લડશે! સાળા અરુણ ભારતીએ સંકેત આપ્યા