આસામ-મિઝોરમ સરહદ વિવાદે સોમવારે તે સમયે લોહિયાળ વળાંક લીધો, જ્યારે મિઝોરમની સરહદે આસામનાં કાચર જિલ્લાનાં પ્રતિકારક લૈલાપુર વિસ્તારમાં થયેલા અથડામણમાં છ પોલીસ કર્મચારીઓ માર્યા ગયા હતા. મુખ્યમંત્રી હેમંતા બિસ્વા સરમાએ ટિ્વટ કરીને કહ્યું કે, આસામ-મિઝોરમ સરહદ પર આપણા રાજ્યની બંધારણીય સીમાની રક્ષા કરતી વખતે આસામ પોલીસનાં છ બહાદુર જવાનોએ પોતાનો જીવ આપ્યો છે તે જાણતાં મને ખૂબ દુઃખ થાય છે. શોકગ્રસ્ત પરિવારો પ્રત્યે મારી દિલથી સંવેદના.
આરોપ / ત્રિપુરામાં પ્રશાંત કિશોરની ટીમને નજરબંધ કરવામાં આવ્યા,પોલીસે કોરોના પ્રોટોકોલનું કારણ બતાવ્યું
અહેવાલો અનુસાર, આ અથડામણમાં કછાર સુપરિન્ટેન્ડન્ટ ઓફ પોલીસ સહિત 20 અધિકારીઓ અને નાગરિકો ઘાયલ થયા હતા અને અનેક વાહનોને નુકસાન પહોંચ્યું હતું. બંને રાજ્યોનાં મુખ્યમંત્રીઓએ કેન્દ્રીય ગૃહમંત્રી અમિત શાહની તાત્કાલિક હસ્તક્ષેપની માંગ કરી છે.
વિકાસ બેસી ગયો / ગોંડલ ન.પા.ના રોડ-રસ્તાના કામોની પ્રથમ વરસાદે જ પોલ ખૂલી જતાં કોંગ્રેસ દ્વારા અનોખો કાર્યક્રમ
કછારનાં ડેપ્યુટી કમિશનર કીર્તિ જલ્લી અને પોલીસ અધિક્ષક નિમ્બાલકર વૈભવ ચંદ્રકાંત સહિત બંને રાજ્યોનાં અધિકારીઓ, મિઝોરમનાં કોલાસીબથી સરહદ આવેલા કછાર જિલ્લાનાં મુશ્કેલીગ્રસ્ત લૈલાપુર વિસ્તારમાં પરિસ્થિતિને શાંત કરવાનો પ્રયાસ કરી રહ્યા છે.
નાદાર જાહેર / બ્રિટન હાઇકોર્ટે વિજ્ય માલ્યાને નાદાર જાહેર કર્યો, સંપત્તિ જપ્ત કરવા બેંકોનો માર્ગ મોકળો
આસામનાં અધિકારીઓએ દાવો કર્યો હતો કે મિઝોરમનાં લોકોએ તેમના ઉપર મોટી સંખ્યામાં હુમલો કર્યો હતો અને રાજ્યની અંદર છ કિલોમીટરનાં અંતરે પ્રવેશ કર્યો હતો. આ હુમલામાં છ પોલીસ જવાન શહીદ થયા અને 16 અન્ય ઘાયલ થયા છે. બીજી તરફ, મિઝોરમ અધિકારીઓએ દાવો કર્યો છે કે આસામનાં લોકોએ એક વાહનને નુકસાન પહોંચાડ્યું જેમાં એક મિઝો દંપતી મુસાફરી કરી રહ્યો હતો. આસામનાં મુખ્યમંત્રી અને તેમના મિઝોરમ સમકક્ષ જોરમથંગાએ શ્રેણીબદ્ધ ટ્વીટ્સમાં પરિસ્થિતિ માટે એકબીજાનાં અધિકારીઓને દોષી ઠેરવ્યા હતા અને તેમને સીમા પરથી ખસી જવા નિર્દેશ આપવાની માંગ કરી.
