Assam News: આસામ (Assam)ના લુમડિંગ વિભાગમાં શનિવારે સવારે એક દુઃખદ અકસ્માત થયો હતો, જ્યાં સૈરંગ-નવી દિલ્હી રાજધાની એક્સપ્રેસ(Rajdhani Express) જંગલી હાથીઓના ટોળા સાથે અથડાઈ હતી. ટક્કર એટલી તીવ્ર હતી કે ટ્રેનનું એન્જિન અને ટ્રેનના પાંચ ડબ્બા પાટા પરથી ઉતરી ગયા હતા.
રાજધાની એક્સપ્રેસ (Rajdhani Express)ની ટક્કરથી આઠ હાથીઓ માર્યા ગયા
આસામ (Assam)ના હોજાઈ જિલ્લામાં શનિવારે વહેલી સવારે સૈરંગ-નવી દિલ્હી રાજધાની એક્સપ્રેસ (Rajdhani Express)ની ટક્કરથી આઠ હાથીઓ માર્યા ગયા હતા, એમ વન અધિકારીએ જણાવ્યું હતું.
સદનસીબે આ ઘટનામાં કોઈ મુસાફરને ઈજા થઈ ન હતી. આ દુર્ઘટનાને કારણે ઉપલા આસામ (Assam)અને ઉત્તરપૂર્વમાં ટ્રેન સેવાઓ ખોરવાઈ ગઈ હતી. રેલવેએ બચાવ કામગીરી શરૂ કરી છે અને મુસાફરો માટે વૈકલ્પિક વ્યવસ્થા કરીને આગળની મુસાફરી સુનિશ્ચિત કરવાની પ્રક્રિયામાં છે.
અકસ્માત ક્યાં થયો?
આ અકસ્માત નોર્થ ઇસ્ટ ફ્રન્ટિયર રેલવે (NFR) ના લુમડિંગ વિભાગ હેઠળ જમુનામુખ-કાનપુર સેક્શન (Jamunamukh-Kanpur Section) પર થયો હતો. જ્યારે શનિવારે સવારે આસામ (Assam)માં રાજધાની એક્સપ્રેસ (Rajdhani Express) જંગલી હાથીઓના ટોળા સાથે અથડાઈ હતી. આ પછી રાજધાની એક્સપ્રેસ (Rajdhani Express) ટ્રેન પાટા પરથી ઉતરી ગઈ હતી.
દુર્ઘટના સ્થળ ગુવાહાટીથી લગભગ 126 કિમી દૂર આવેલું છે. આ ઘટના પછી તરત જ રાહત ટ્રેનો અને રેલવે અધિકારીઓ બચાવ કામગીરી શરૂ કરવા માટે સ્થળ પર દોડી ગયા હતા. ગાડીઓ અને હાથીઓના મૃતદેહો પાટા પર પથરાયેલા હોવાને કારણે ટ્રેન સેવાઓ પ્રભાવિત થઈ છે.
રાજધાની એક્સપ્રેસ (Rajdhani Express) ટ્રેનમાં મુસાફરો
અહેવાલ અનુસાર, અસરગ્રસ્ત કોચના મુસાફરોને ટ્રેનના અન્ય કોચમાં ઉપલબ્ધ ખાલી બર્થમાં અસ્થાયી રૂપે સમાવવામાં આવશે. આ પછી ટ્રેન જ્યારે ગુવાહાટી પહોંચશે ત્યારે તેમાં વધારાના કોચ ઉમેરવામાં આવશે. જેથી તમામ મુસાફરોને બેઠક મળી શકે અને પછી ટ્રેન તેની આગળની મુસાફરી માટે રવાના થઈ શકે.
નોર્થ ઇસ્ટ ફ્રન્ટિયર રેલવે (North East Frontier Railway)ના ચીફ પબ્લિક રિલેશન્સ ઓફિસર (Chief Public Relations Officer) કપિંજલ કિશોર શર્માએ જણાવ્યું હતું કે N.F ના લુમડિંગ ડિવિઝન હેઠળ જમુનામુખ-કાનપુર સેક્શન (Jamunamukh-Kanpur Section)માં સવારે 02.17 વાગ્યે.
રેલવે, ટ્રેન નં. 20507 ડી. એન. સૈરંગ-નવી દિલ્હી રાજધાની એક્સપ્રેસ (Rajdhani Express) હાથીઓ સાથે અથડાઈ, લોકોમોટિવ અને ટ્રેનના પાંચ ડબ્બા પાટા પરથી ઉતરી ગયા.
કોઈ મુસાફર ઘાયલ થયો ન હતો કે મૃત્યુ પામ્યો ન હતો. લોકો પાયલોટે ઇમરજન્સી બ્રેક લગાવી અને ટ્રેન રોકી. સમારકામ પૂર્ણ થઈ ગયું છે અને કોઈ ઈજાના અહેવાલ નથી.
#WATCH | Maligaon, Assam | Loco pilot applied emergency brakes and stopped the train. Restoration work completed and no injuries have occurred: Kapinjal Kishore Sharma, Chief Public Relations Officer of the Northeast Frontier Railway.
(Visuals from the spot)
(Source: Northeast… https://t.co/n9mzFHUKZM pic.twitter.com/jvhTNmgl3F
— ANI (@ANI) December 20, 2025
આ પણ વાંચો: હવે ટ્રેન દુર્ઘટના પીડિતોને મળશે 10 ગણું વળતર, ભારતીય રેલવેએ લીધો મોટો નિર્ણય, જાણો વિગત
આ પણ વાંચો:ઓડિશામાં ટ્રેન દુર્ઘટના મામલે CRS રિપોર્ટમાં થયા ચોંકાવનારા ખુલાસા,જાણો સમગ્ર વિગત
