હત્યા/ ઉત્તરપ્રદેશમાં અતીક અને અશરફની ગોળી મારીને કરવામાં આવી હત્યા, પ્રયાગરાજ મેડિકલ કોલેજ પાસે બની ઘટના

અતીક અને અશરફની કરાઈ હત્યા
ગોળી મારીને બંનેની કરાઈ હત્યા
પ્રયાગરાજ મેડિકલ કોલેજ પાસે ફાયરિંગ
બંનેને મેડિકલ કોલેજ લઇ ગયા હતા
કોલેજ પાસે ફાયરિંગમાં બંનેની હત્યા

અતીક અહેમદને મેડિકલ તપાસ માટે લઈ જતા પોલીસ વાહન પર હુમલો કરવામાં આવ્યો હતો. પોલીસના વાહનો પર ફાયરિંગ કરવામાં આવ્યું છે. આ હુમલામાં અતીક અને અશરફનું મોત થયું છે. અતીક અહેમદ અને અશરફની મેડિકલ કોલેજ પાસે હત્યા કરવામાં આવી છે. જે સમયે આ હુમલો થયો તે સમયે બંનેને તપાસ માટે લઈ જવામાં આવી રહ્યા હતા. બંનેના મૃતદેહને મેડિકલ કોલેજની અંદર લઈ જવામાં આવ્યા છે. આ પ્રસંગે ચોક્કસપણે જય શ્રી રામના નારા સંભળાયા છે. પોલીસ આ કેસની તપાસમાં લાગી ગઈ છે.

મળતી માહિતી મુજબ, આ હુમલો પ્રયાગરાજમાં કોલવિન હોસ્પિટલ પાસે ત્યારે થયો જ્યારે પોલીસ ટીમ અતિક અને અહેમદને લઈ જઈ રહી હતી. દરમિયાન ત્રણ-ચાર હુમલાખોરો અચાનક વચમાં પહોંચી ગયા હતા અને ઝડપથી ફાયરિંગ શરૂ કરી દીધું હતું. પોલીસે ઘટનાસ્થળેથી હુમલાખોરોને ઝડપી લીધા છે. આ સમગ્ર હુમલો મીડિયા અને પોલીસની સામે કરવામાં આવ્યો છે. જ્યારે બંને આરોપીઓ પર ફાયરિંગ થયું ત્યારે આ સમગ્ર ઘટના કેમેરામાં પણ કેદ થઈ ગઈ છે. જણાવી દઈએ કે આ પહેલા ગુરૂવારે યુપી એસટીએફએ યુપીના ઝાંસીમાં અતિક અહેમદના પુત્ર અસદનું એન્કાઉન્ટર કર્યું હતું. આ સાથે શૂટર ગુલામનું પણ મોત થયું હતું. એસટીએફની ટીમ છેલ્લા દોઢ મહિનાથી અસદ અહેમદ અને ગુલામને શોધી રહી હતી. આ એન્કાઉન્ટર યુપી એસટીએફના ડેપ્યુટી એસપી નવેન્દુ અને ડેપ્યુટી એસપી વિમલના નેતૃત્વમાં થયું હતું. અસદ પર પાંચ લાખનું ઈનામ હતું. અસદ અને શૂટર મોહમ્મદ. ગુલામ પાસેથી બ્રિટિશ બુલ ડોગ રિવોલ્વર અને વોલ્થર પિસ્તોલ મળી આવી હતી.