Germany News:જર્મનીના મેગડેબર્ગમાં ક્રિસમસ માર્કેટમાં થયેલા શંકાસ્પદ હુમલામાં ઓછામાં ઓછા બે લોકો માર્યા ગયા છે અને ડઝનેક લોકો ઘાયલ થયા છે. મળતી માહિતી મુજબ ક્રિસમસ માર્કેટમાં (Christmas market) એક કારે લોકોને કચડી નાખ્યા હતા. જેના કારણે બે લોકોના મોત થયા છે, જ્યારે 68 લોકો ઘાયલ થયા છે. જેમાંથી 15ને ગંભીર ઈજાઓ થઈ હતી, જ્યારે અન્ય 37ને સામાન્ય ઈજાઓ થઈ હતી અને 16ને હળવી ઈજાઓ થઈ હતી.

મૃતકોમાં એક બાળક પણ સામેલ છે

સરકારે બે લોકોના મોતની પુષ્ટિ કરી છે. જેમાં એક બાળકનો પણ સમાવેશ થાય છે. સરકારે જણાવ્યું હતું કે લોકપ્રિય હોલિડે માર્કેટની વચ્ચે બનેલી આ દુ:ખદ ઘટનામાં 68 લોકો ઘાયલ થયા હતા. ઘાયલોને હોસ્પિટલમાં દાખલ કરવામાં આવ્યા હતા. જર્મનીના ગૃહમંત્રી નેન્સી ફેસરે આ ઘટના પર શોક વ્યક્ત કર્યો છે.

“મેગ્ડેબર્ગના આ સમાચાર અત્યંત આઘાતજનક છે. ઇમરજન્સી સેવાઓ ઘાયલોની સંભાળ રાખવા અને જીવન બચાવવા માટે શક્ય તેટલું બધું કરી રહી છે. અમારી ઊંડી સંવેદના પીડિતો અને તેમના પરિવારો સાથે છે,” ફેસરે ટ્વિટર પર લખ્યું કે સુરક્ષા અધિકારીઓ ઘટનાની તપાસ કરી રહ્યા છે હુમલા સંબંધિત વિગતો સ્પષ્ટ કરવા.

પોલીસે ડોક્ટરની ધરપકડ કરી હતી

સરકારે કહ્યું છે કે હુમલામાં સામેલ કારના શંકાસ્પદ ડ્રાઈવરની ધરપકડ કરવામાં આવી છે. પ્રાથમિક માહિતી મુજબ કાર ચાલક વ્યવસાયે ડોક્ટર છે અને સાઉદી અરેબિયાનો વતની છે. ઘટના સમયે તે કારમાં એકલો હતો. અધિકારીઓએ ભારપૂર્વક જણાવ્યું છે કે વધુ કોઈ ખતરાના સંકેત નથી. સીએનએનના અહેવાલ અનુસાર, ક્રિસમસ માર્કેટના તહેવારોના માહોલમાં જાન-માલની હાનિ અને અરાજકતાને કારણે સ્થાનિક લોકોમાં ગભરાટ ફેલાયો હતો.

આ પણ વાંચો:જર્મનીએ ભારતીયો માટેના સ્કિલ્ડ વિઝામાં નોંધપાત્ર વધારો કર્યો

આ પણ વાંચો:જર્મની થયું જળમગ્ન… કમોસમી વરસાદે સ્થિતિ વધુ ખરાબ કરી

આ પણ વાંચો:જર્મનીમાં ભારે હિમવર્ષા લગભગ હજાર પ્લેન ગ્રાઉન્ડેડ