યુએસ ચેમ્બર ઓફ કોમર્સે યુએસ-ઈન્ડિયા બિઝનેસ કાઉન્સિલના પ્રમુખ તરીકે અતુલ કેશપની નિમણૂકની જાહેરાત કરી છે. અતુલ 5 જાન્યુઆરીથી આ પદની જવાબદારી સંભાળશે. તેમણે તાજેતરમાં દિલ્હીમાં યુએસ વચગાળાના રાજદૂત (ચાર્જ ડી અફેર) તરીકે સેવા આપી હતી. આ દરમિયાન તે યુએસ એમ્બેસીની આખી ટીમનું નેતૃત્વ કરી રહ્યા હતા.
કોણ છે અતુલ કેશપ?
અતુલ કેશપ યુએસ સ્ટેટ ડિપાર્ટમેન્ટમાં લાંબા સમય સુધી કામ કરી ચૂક્યા છે. આ વર્ષે જૂનમાં જ્યારે તેમને ભારતમાં અમેરિકાના વચગાળાના રાજદૂત તરીકે નિયુક્ત કરવામાં આવ્યા હતા. ત્યારે વિદેશ મંત્રાલય તરફથી કહેવામાં આવ્યું હતું કે રાજદૂત કેશપની નિમણૂકથી ભારત સરકાર અને ભારતના લોકો સાથે અમેરિકાની ગાઢ ભાગીદારી મજબૂત થશે. અતુલે અગાઉ પશ્ચિમ એશિયા, ઉત્તર આફ્રિકા અને દક્ષિણ એશિયા માટે વિશેષ સહાયક તરીકે કામ કર્યું છે.
અતુલ કેશપના પિતા કેશપ ચંદર સેન પંજાબમાં રહેતા હતા. બાદમાં તેઓ યુએન ડેવલપમેન્ટ ઈકોનોમિસ્ટ તરીકે નાઈજીરીયામાં કામ કરવા ગયા. અતુલ કેશપનો જન્મ 1971માં નાઈજીરિયામાં થયો હતો. અતુલ કેશપની માતા જો કાલવર્ટ યુએસ ફોરેન સર્વિસમાં રહી ચૂકી છે. તે લંડનમાં સેનને મળ્યો અને બંનેએ લગ્ન કરી લીધા. જો ભારતમાં યુએસ એમ્બેસીમાં પણ ફરજ બજાવી ચૂક્યા છે. અતુલ હિન્દી બોલે છે અને સમજે છે.
