ડિસેમ્બરમાં હ્યુન્ડાઇ મોટર ઇન્ડિયા લિમિટેડ (એચએમઆઈએલ) નું વેચાણ 9.9 ટકા ઘટીને 50,135 વાહનો પર પહોંચ્યું હતુ. એક વર્ષ પહેલા કંપનીએ તે જ મહિનામાં 55,638 વાહનોનું વેચાણ કર્યું હતું. હ્યુન્ડાઇ મોટરે એક નિવેદનમાં જણાવ્યું છે કે, તેનું સ્થાનિક બજાર વેચાણ ડિસેમ્બર 2019 માં 9.8 ટકા ઘટીને 37,953 એકમ પર પહોંચી ગયું છે, જે એક વર્ષ અગાઉનાં મહિનામાં 42,093 એકમ હતું.
આ સમયગાળા દરમિયાન, નિકાસ પણ 10.06 ટકા ઘટીને 12,182 વાહનોની રહી છે. ડિસેમ્બર 2018 માં, કંપનીએ 13,545 વાહનોની નિકાસ કરી. 2019 માં હ્યુન્ડાઇનું કુલ વેચાણ 2.6 ટકા ઘટીને 6,91,460 એકમ પર પહોંચી ગયું છે. 2018 માં, તેણે 7,10,012 વાહનોનું વેચાણ કર્યું હતુ. આ સમયગાળા દરમિયાન ઘરેલું વેચાણ 7.2 ટકા ઘટીને 5,10,260 એકમ પર આવી ગયુ છે.
2018 માં, આ આંકડો 5,50,002 એકમોનો હતો. તે જ સમયે, નિકાસ 13.2 ટકા વધીને 1,81,200 એકમ થઈ છે. 2018 માં, હ્યુન્ડાઇએ 1,60,010 વાહનોની નિકાસ કરી હતી. કંપનીનાં ડિરેક્ટર (વેચાણ, માર્કેટિંગ અને સર્વિસ) તરુંગ ગર્ગે જણાવ્યું હતું કે, “ભારતીય વાહન ઉદ્યોગ માટે 2019 એક પડકારજનક વર્ષ રહ્યું હતુ.
પ્રતિકૂળ સંજોગો છતાં, હ્યુન્ડાઇ મોટર ઇન્ડિયા ભારતીય બજારને લઇને પ્રતિબદ્ધ છે અને તેણે વિવિધ કેટેગરીમાં ચાર નવા ઉત્પાદનો રજૂ કર્યા છે. “તેમણે કહ્યું,” 2020 માં અમે અમારા વિવિધ બીએસ -6 મોડેલો રજૂ કરીશું. તે બંને પેટ્રોલ અને ડીઝલ વર્ઝન માટે હશે. “
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.