માઇક્રો-બ્લોગિંગ સાઇટ ટ્વિટરના યુઝર્સ હવે ફેંક અને ભ્રામક ટ્વીટ પર ચેતવણી લેબલ જોઇ શકશે. હવે કો ઇ ફેંક ન્યુઝ અને ખોટી માહિતીની જાણકારી તમને મળી જશે, ટ્વિટર દ્વારા આ પગલું સોશિયલ મીડિયા પ્લેટફોર્મને વધુ અસરકારક અને ઓછું ભ્રામક બનાવવા માટે લેવામાં આવ્યું છે.
આ નવી ચેતવણી ‘લેબલ’ મંગળવારે વિશ્વભરમાં જારી કરવામાં આવી હતી. તેનો હેતુ ખોટી માહિતીની સરળ ઓળખ સુનિશ્ચિત કરવાનો છે. 2020ની યુએસ પ્રમુખપદની ચૂંટણી પહેલા અને પછી ચૂંટણી-સંબંધિત ખોટી માહિતી સામે રક્ષણ આપવા માટે રચાયેલ છે. કંપની જુલાઈથી આ ચેતવણી ‘લેબલ’ પર કામ કરી રહી હતી. લોકોને જૂઠાણું ફેલાવતા રોકવા માટે પૂરતું કામ ન કરવા બદલ તે ‘લેબલ્સ’ની ટીકા કરવામાં આવી હતી.
નિષ્ણાતોના મતે, આવા ‘લેબલ્સ’ વપરાશકર્તાઓ માટે મદદરૂપ થઈ શકે છે. ઉપરાંત તેઓ સોશિયલ મીડિયા પ્લેટફોર્મને ‘કન્ટેન્ટ મોડરેશન’ના વધુ મુશ્કેલ કાર્યને સરળ બનાવશે. જેમાં ષડયંત્ર, ખોટી, ગેરમાર્ગે દોરનારી માહિતી ફેલાવતી પોસ્ટ, ફોટા અને વિડિયો હટાવવા જોઈએ કે નહીં તે નક્કી કરવામાં આવે છે.
ટ્વિટર માત્ર ત્રણ પ્રકારની ખોટી માહિતીને ‘લેબલ’ કરે છે જેમ કે ‘વિકૃત તથ્યો’, વાસ્તવિક દુનિયા માટે હાનિકારક એવા કોઈપણ વિડિયો અને ઑડિયો સાથે ઈરાદાપૂર્વક છેડછાડ, ચૂંટણી અથવા મતદાનની ખોટી માહિતી અને કોરોના સંબંધિત ખોટી અને ભ્રામક માહિતી.
ખોટી માહિતીને ઓળખવા અથવા ચિહ્નિત કરવા માટે ‘ઓરેન્જ અને રેડ કલરનો સમાવેશ કરવામાં આવ્યો છે, જેથી તેઓ અગાઉના ‘લેબલ’ કરતાં વધુ અસરકારક સાબિત થાય. અગાઉ ‘લેબલ’નો રંગ વાદળી હતો, જે ટ્વિટરના રંગ સાથે મેળ ખાતો હતો. ટ્વિટરે જણાવ્યું હતું કે પ્રયોગો દર્શાવે છે કે જો રંગ ફક્ત આંખને આકર્ષક બનાવે છે, તો તે લોકોને વાસ્તવિક ટ્વીટ ઓળખવામાં મદદ કરી શકે છે. કંપનીએ કહ્યું કે આ ‘લેબલ’ પર માહિતી ક્લિક કરવાના દરમાં 17 ટકાનો વધારો થયો છે, એટલે કે વધુ લોકોએ નવા ‘લેબલ’નો ઉપયોગ કરીને ખોટા અને ભ્રામક ટ્વીટ વિશે માહિતી મેળવવાનો પ્રયાસ કર્યો છે.
