કર્ણાટકમાં હિજાબ વિવાદ બાદ સાંપ્રદાયિક તણાવ વધતો જોવા મળી રહ્યો છે. હવે દરિયાકાંઠાના કર્ણાટક ક્ષેત્રમાં કેટલાક બેનરો દેખાયા છે, જેના પર લખ્યું છે કે વાર્ષિક મંદિર મેળામાં મુસ્લિમો દુકાન નહીં લગાવી શકે.સ્થાનિકોના જણાવ્યા અનુસાર, દક્ષિણપંથી જૂથોએ આની માંગ કરી હતી, જેના પછી મોટાભાગની મંદિર સમિતિઓ દબાણમાં આવી ગઈ. દક્ષિણપંથી જૂથોનું કહેવું છે કે હિજાબ પરના નિર્ણય બાદ મુસ્લિમ સંગઠનોએ બંધનું એલાન આપ્યું હતું અને પોતાની દુકાનો બંધ રાખી હતી. તેથી મંદિરોએ તેમને વાર્ષિક મેળામાં સ્ટોલ લગાવવાની મંજૂરી આપવી જોઈએ નહીં.
ઉલ્લેખનીય છે કે પુત્તુર તાલુકાના મહાલિંગેશ્વર મંદિરમાં 20 એપ્રિલથી વાર્ષિક મેળાનું આયોજન કરવામાં આવનાર છે. આ મેળામાં ઉભા થનારા સ્ટોલ માટે જમીનની હરાજી થવાની છે. આ હરાજીમાં મુસ્લિમોની ભાગીદારી પર પ્રતિબંધ મુકવામાં આવ્યો છે. આમાં માત્ર હિન્દુઓને જ સ્ટોલ માટે બોલી લગાવવાની મંજૂરી છે.
બેનરમાં લખવામાં આવ્યું છે કે હિન્દુઓ જાગૃત થઈ ગયા છે
વાર્ષિક ઉત્સવનું એક સમાન પોસ્ટર દક્ષિણ કન્નડ જિલ્લાના બાપ્પંડુઈ શ્રી દુર્ગાપમેશ્વરી મંદિરમાં પણ જોવા મળ્યું હતું. પોસ્ટરમાં લખવામાં આવ્યું હતું કે એવા લોકોને અહીં ધંધો કરવાની મંજૂરી આપી શકાય નહીં, જેઓ કાયદાનું સન્માન નથી કરતા અને એકતાની વિરુદ્ધ છે. જેઓ ગાયોને મારીએ છીએ તેની આપણે પૂજા કરીએ છીએ. હિન્દુઓ હવે જાગૃત થયા છે.
પોલીસ પોસ્ટર લગાવનાર વ્યક્તિને શોધી રહી છે
મેંગલુરુ શહેરના પોલીસ કમિશનર શશિ કુમારના જણાવ્યા અનુસાર, આ બેનરો કોણે લગાવ્યા તેની તપાસ કરવામાં આવી રહી છે. તેમણે કહ્યું કે જો નાગરિક સંસ્થા ફરિયાદ કરશે તો કાનૂની ટીમની સલાહ લેવામાં આવશે. તેમણે કહ્યું કે તહસીલદાર ત્યાં મુલાકાત લેશે અને રિપોર્ટ તૈયાર કરશે, તેના આધારે આગળની કાર્યવાહી કરવામાં આવશે.
મેળામાં દર વર્ષે કરોડોનો વેપાર થાય છે
આ મંદિરોમાં સામાન્ય રીતે એપ્રિલમાં વાર્ષિક ઉત્સવો અથવા મેળાઓનું આયોજન કરવામાં આવે છે. આ દરમિયાન લાખો લોકો મંદિરે જાય છે, તેથી કરોડો રૂપિયાનો વેપાર પણ થાય છે.
પૂર્વ સીએમ સિદ્ધારમૈયાએ આ નિર્ણયની નિંદા કરી છે
પૂર્વ સીએમ સિદ્ધારમૈયાએ આ પગલાને નિંદનીય ગણાવ્યું છે. તેમણે કહ્યું કે આશ્ચર્યજનક છે કે જિલ્લાના અધિકારીઓ આ નિર્ણય પર મૌન છે અને આવું થવા દે છે. સિદ્ધારમૈયાએ કહ્યું કે સરકાર બંધારણની રક્ષા માટે બંધાયેલી છે અને તેણે બંધારણ પર સવાલ ઉઠાવનારાઓ સામે કાર્યવાહી કરવી જોઈએ.
