Karnataka News : સરકારી કચેરીઓમાં સિગારેટ પીવા, ગુટખાનું સેવન કે તમાકુની બનાવટોનો ઉપયોગ કરવા પર પ્રતિબંધ મુકવામાં આવ્યો છે. કર્ણાટક સરકાર દ્વારા સરકારી કર્મચારીઓ માટે આ આદેશ જારી કરવામાં આવ્યો છે. આનું ઉલ્લંઘન કરનાર સામે કાર્યવાહી કરવામાં આવશે, તે માટે સરકારી કચેરીઓમાં બોર્ડ લગાવવામાં આવશે તેવું જણાવવામાં આવ્યું છે.સરકારી કચેરીઓમાં સિગારેટ કર્ણાટક સરકારે તેના કર્મચારીઓને સિગારેટ પીવા અને સરકારી કચેરીઓ અને પરિસરમાં કોઈપણ પ્રકારની તમાકુની બનાવટોનું સેવન કરવા પર પ્રતિબંધ મૂક્યો છે. ડિપાર્ટમેન્ટ ઓફ પર્સોનલ એન્ડ એડમિનિસ્ટ્રેટિવ રિફોર્મ્સ (DPAR) દ્વારા જારી કરાયેલા આદેશમાં સ્પષ્ટપણે લખવામાં આવ્યું છે કે ઉલ્લંઘન કરનારાઓ સામે શિસ્તભંગની કાર્યવાહીની ચેતવણી આપવામાં આવી છે.
આદેશમાં કહેવામાં આવ્યું છે કે સરકારી કચેરીઓ અને પરિસરમાં તમાકુ ઉત્પાદનોનું સેવન સરકારના ધ્યાન પર આવ્યું છે. કર્મચારીઓના સ્વાસ્થ્યના હિતમાં અને જાહેર જનતા અને સરકારી કર્મચારીઓને ધૂમ્રપાનથી બચાવવા માટે, કોઈપણ સરકારી કર્મચારી દ્વારા ધૂમ્રપાન સહિત કોઈપણ તમાકુ ઉત્પાદનનો ઉપયોગ સરકારી કચેરીઓ અને ઓફિસ પરિસરમાં સખત પ્રતિબંધિત છે.સરકાર દ્વારા જારી કરવામાં આવેલા આદેશમાં કહેવામાં આવ્યું છે કે જો કોઈ સરકારી કર્મચારી આ સૂચનાઓનું ઉલ્લંઘન કરીને ઓફિસ કે ઓફિસના પરિસરમાં ધૂમ્રપાન કરતો અથવા કોઈપણ તમાકુ ઉત્પાદન (ગુટખા, પાન મસાલા વગેરે) નું સેવન કરતો જોવા મળશે તો તેની સામે શિસ્તભંગની કાર્યવાહી કરવામાં આવશે. કરવામાં આવશે.
પત્રમાં એવું પણ લખવામાં આવ્યું છે કે સિગારેટ અને અન્ય ટોબેકો પ્રોડક્ટ્સ એક્ટ 2003 હેઠળ જાહેર વિસ્તારોમાં આવા ઉત્પાદનોનું સેવન સંપૂર્ણપણે પ્રતિબંધિત છે. કર્ણાટક રાજ્ય સિવિલ સર્વિસીસ રૂલ્સ, 2021 ના નિયમ-31 જાહેર સ્થળે કોઈપણ નશાકારક પીણા અથવા માદક પદાર્થના સેવન પર પણ પ્રતિબંધ મૂકે છે.
આ પણ વાંચો:જમ્મુ-કાશ્મીર વિધાનસભાનું આજે પહેલું સત્ર, અબ્દુલ રહીમ રાથર બનશે સ્પીકર
આ પણ વાંચો:જમ્મુ-કાશ્મીરમાં આતંકવાદને નાથવો નવી સરકાર માટે મોટો પડકાર
આ પણ વાંચો:જમ્મુ-કાશ્મીરમાં આતંકવાદીઓએ એક ડોક્ટર સહિત 7ની કરી હત્યા
