બેટલગ્રાઉન્ડ્સ મોબાઇલ ઇન્ડિયા, PUBG મોબાઇલ ગેમનો નવો અવતાર, ભારતમાં 2 જુલાઇના રોજ લોન્ચ કરવામાં આવ્યો હતો અને હવે બે મહિનાની અંદર આ ગેમ 50 મિલિયનથી વધુ લોકો ડાઉનલોડ કરી ચૂક્યા છે.
કંપનીએ એક અખબારી યાદી દ્વારા આ માહિતી આપી છે. ગેમની ડેવલપર કંપની ક્રાફટને 50 મિલિયન અથવા 5 કરોડ ડાઉનલોડ માટે ઈનામની જાહેરાત કરી હતી, જે પછી ડાઉનલોડમાં જબરદસ્ત વધારો થયો છે.
બેટલગ્રાઉન્ડ્સ મોબાઇલ ઇન્ડિયા હાલમાં એન્ડ્રોઇડ માટે ઉપલબ્ધ છે અને ટૂંક સમયમાં આઇઓએસ વર્ઝન બહાર પાડવામાં આવશે. 50 મિલિયન ડાઉનલોડ્સ પૂર્ણ કર્યા પછી, કંપનીએ ગેઇન ગેલેક્સી મેસેન્જર આઉટફિટ પ્લેયર્સ માટે કાયમી પુરસ્કારની જાહેરાત કરી છે. આ ગેમ ગૂગલ પ્લે સ્ટોર પરથી ફ્રીમાં ડાઉનલોડ કરી શકાય છે.
તમને જણાવી દઈએ કે આ મહિનાની શરૂઆતમાં, બેટલગ્રાઉન્ડ્સ મોબાઈલ ઈન્ડિયાએ એક મોટી કાર્યવાહી કરી છે અને 3,36,000 ખેલાડીઓના એકાઉન્ટ પર પ્રતિબંધ મૂક્યો છે. આ ખેલાડીઓ રમતમાં છેતરપિંડી કરતા હતા. ક્રાફ્ટોને તેના અહેવાલમાં જણાવ્યું હતું કે 30 જુલાઈથી 5 ઓગસ્ટ વચ્ચે હાથ ધરાયેલી તપાસમાં 3,36,000 એકાઉન્ટ્સ ગેમમાં છેતરપિંડી કરતા પકડાયા છે, જે પછી એકાઉન્ટ્સ પર કાયમ માટે પ્રતિબંધ લગાવી દેવામાં આવ્યો છે, એટલે કે આ એકાઉન્ટ્સ ફરી ક્યારેય ગેમ રમી શકશે નહીં.
મેડ ઇન ઇન્ડિયા / અદાણી ગ્રુપનું મોટું આયોજન, વિશ્વની સૌથી શક્તિશાળી સુપર એપ ભારતમાં બનશે
Technology / શું તમે ATM ફ્રોડથી બચવા માંગો છો ? તો આ 9 બાબતોનું ધ્યાન રાખો
New Feature / વોટ્સએપ માં હવે યુઝર્સ પ્રોફાઈલ પિક્ચર પર ટેપ કરીને અન્ય યુઝર્સનુ સ્ટેટસ જોઈ શકશે
ગેમિંગ ઉદ્યોગમાં વૃદ્ધિ / એન્ડ્રોઇડ અને આઇફોન યુઝર્સે સૌથી વધુ મોબાઇલ ગેમ્સ રમી, ભારતમાં PUBG ગેમ ટોપ ઉપર
Technology / સ્માર્ટફોનની બેટરી જલ્દી સમાપ્ત થઈ જાય છે, આ ત્રણ સરળ ટિપ્સ બેટરી લાઇફ વધારશે
વિશ્લેષણ / કોંગ્રેસમાં કડકી કાપ (ખર્ચમાં) અને કરકસરનો ત્રિવેણી સંગમ
