Bengaluru News: બેંગલુરુમાંથી મહિલાઓની સુરક્ષાને લઈને ચિંતાજનક ઘટના સામે આવી છે. એક મહિલાએ એક જાણીતી ઓનલાઇન શોપિંગ કંપનીના ડિલિવરી કર્મચારી પર ગંભીર આરોપ લગાવ્યા છે. મહિલાના જણાવ્યા મુજબ, પાર્સલ પહોંચાડવા આવેલા ડિલિવરી બોયે (Bengaluru Delivery Boy Case) તેની મંજૂરી વગર ઘરમાં પ્રવેશ કર્યો અને ત્યારબાદ તેની સાથે અશોભનીય વર્તન કર્યું.
મહિલાએ સોશિયલ મીડિયા મારફતે પોતાની આપવીતી શેર કરી છે અને પોલીસ પાસે કડક કાર્યવાહીની માંગ કરી છે. આ પોસ્ટ બાદ લોકોમાં ભારે રોષ જોવા મળી રહ્યો છે.
મહિલાએ અંદર આવવાની ના પાડી છતાં ઘરમાં ઘૂસ્યો
મહિલાના જણાવ્યા અનુસાર, ડિલિવરી બોય (Bengaluru Delivery Boy Case) પાર્સલ આપવા માટે તેના ઘરે આવ્યો હતો. આ દરમિયાન તેણે શૌચાલયનો ઉપયોગ કરવાની પરવાનગી માંગી હતી. જોકે, મહિલા ઘરમાં એકલી હતી અને અજાણ્યા વ્યક્તિને અંદર આવવા દેવા માંગતી ન હતી, તેથી તેણે સ્પષ્ટ ઇનકાર કર્યો હતો.આરોપ છે કે મહિલાની ના છતાં ડિલિવરી કર્મચારી (Bengaluru Delivery Boy Case) તેની વાત માન્યો નહીં અને બળજબરીથી ઘરમાં પ્રવેશ કર્યો. મહિલાએ તેને રોકવાનો પ્રયાસ કર્યો હોવા છતાં તે આગળ વધ્યો અને ઘરમાં આવી ગયો.
Bengaluru Delivery Boy Case: સુરક્ષા માટે મહિલાએ શરૂ કર્યો મોબાઈલ કેમેરો
મહિલાએ જણાવ્યું કે ઘટના સમયે તે ખૂબ જ ડરી ગઈ હતી. પોતાની સુરક્ષાને ધ્યાનમાં રાખીને તેણે તરત જ મોબાઈલ કેમેરો ચાલુ કર્યો અને મુખ્ય દરવાજા પાસે રહી જેથી કોઈ મુશ્કેલી સર્જાય તો મદદ મેળવી શકે.મહિલાના કહેવા મુજબ, તેણે પડોશીઓ પાસેથી મદદ લેવાની પણ વાત કરી હતી, પરંતુ આરોપીએ તેની વાતને અવગણી હતી.
વોશરૂમમાંથી બહાર આવ્યા બાદ અશ્લીલ હરકતનો આરોપ
મહિલાએ આરોપ લગાવ્યો કે ડિલિવરી બોય (Bengaluru Delivery Boy Case) વોશરૂમમાંથી બહાર આવ્યા બાદ તેની સામે અશ્લીલ વર્તન કર્યું. આ ઘટનાથી તે ખૂબ જ આઘાતમાં આવી ગઈ હતી અને તેને પોતાના જ ઘરમાં અસુરક્ષિત લાગ્યું હતું.મહિલાએ પોતાની પોસ્ટમાં લખ્યું કે, કોઈપણ વ્યક્તિની મર્યાદાનું સન્માન થવું જોઈએ અને કોઈ મહિલાની સ્પષ્ટ ના બાદ તેની પરવાનગી વિના ઘરમાં પ્રવેશ કરવાનો અધિકાર કોઈને નથી.
પોલીસ કાર્યવાહી અને લોકોમાં રોષ
આ ઘટના બાદ મહિલાએ બેંગલુરુ પોલીસને ટેગ કરીને આરોપી વિરુદ્ધ કાર્યવાહી કરવાની માંગ કરી છે. સોશિયલ મીડિયા પર પણ લોકો આ મામલે નારાજગી વ્યક્ત કરી રહ્યા છે.યૂઝર્સે ઓનલાઇન કંપનીઓને પણ અપીલ કરી છે કે તેઓ પોતાના ડિલિવરી કર્મચારીઓની યોગ્ય ચકાસણી કરે જેથી આવી ઘટનાઓને રોકી શકાય.હાલમાં આ મામલે પોલીસ તપાસ અને આગળની કાર્યવાહી અંગેની માહિતીની રાહ જોવાઈ રહી છે.
આ પણ વાંચો:મહિલાએ ઓર્ડર કર્યો પ્રાઈવેટ પ્રોડક્ટ, ડિલિવરી બોયે ફોન કરીને કરી અશ્લીલ કમેન્ટ
આ પણ વાંચો:ચંદીગઢમાં બ્લિંકિટ ડિલિવરી બોય 2.5 કલાક સુધી પૂતળાની જેમ ઊભો રહ્યો
આ પણ વાંચો:અમદાવાદના સરખેજમાં સિક્યુરિટી ગાર્ડ સાથે મારામારી, એન્ટ્રી વગર ઘૂસતા ડિલિવરી બોયને ગાર્ડે રોકતા બબાલ
