Ahmedabad News: ગુજરાતની આર્થિક રાજધાની અને સ્માર્ટ સિટી તરીકે ઓળખાતું અમદાવાદ આજકાલ રસ્તાઓ પર પડેલા ભૂવા (પોટહોલ્સ) ના કારણે ચર્ચામાં છે. શહેરના ગુજરાત યુનિવર્સિટી વિસ્તારમાં દાદાસાહેબના પગલા ચાર રસ્તા પર 20થી 25 ફૂટ ઊંડો અને 10 લોકો સમાઈ જાય તેવો વિશાળ ભૂવો પડ્યો છે, જેના કારણે રાહદારીઓ અને વાહનચાલકોમાં ભયનો માહોલ છવાયો છે. આ ઘટનાએ અમદાવાદ મ્યુનિસિપલ કોર્પોરેશન (AMC) ની રસ્તા સમારકામ અને જાળવણીની નબળી કામગીરીને ફરી એકવાર ઉજાગર કરી છે.
ગુજરાત યુનિવર્સિટી વિસ્તાર, જે શૈક્ષણિક હબ તરીકે જાણીતો છે, ત્યાં આવા વિશાળ ભૂવાની હાજરીએ વિદ્યાર્થીઓ, શિક્ષકો અને સ્થાનિક રહેવાસીઓમાં ચિંતા વધારી છે. આ ભૂવો એટલો મોટો છે કે તેમાં વાહનો ફસાઈ જવાનું જોખમ રહેલું છે, અને રાત્રે રસ્તા પર ચાલતા રાહદારીઓ માટે તે જીવલેણ બની શકે છે. સ્થાનિક લોકોનું કહેવું છે કે આવા ભૂવા શહેરના અન્ય ભાગોમાં પણ જોવા મળે છે, પરંતુ તંત્ર દ્વારા સમયસર કોઈ પગલાં લેવામાં આવતાં નથી.
આ પણ વાંચો:અમદાવાદમાં વસ્ત્રાલ વોર્ડમાં તંત્રની નબળી કામગીરી, ફરીથી ભુવો પડતાં પ્રજા રોષમાં
આ પણ વાંચો:સુરતમાં રોડ પર ભુવા રાજ, અડાજણ મુખ્ય માર્ગ પર વધુ એક ભુવો પડ્યો
આ પણ વાંચો:સુરતના કાપોદ્રા વિસ્તારમાં BRTS રૂટ પર પડ્યો મસમોટો ભુવો
