નવી દિલ્હી/ કેન્દ્ર સરકારને સુપ્રીમ કોર્ટથી મોટો ઝટકો, ED ચીફનું ત્રીજી વખત એક્સટેન્શન યોગ્ય નથી

એન્ફોર્સમેન્ટ ડિરેક્ટોરેટ (ED)ના ડિરેક્ટરનો કાર્યકાળ ત્રીજી વખત લંબાવવા બદલ સુપ્રીમ કોર્ટ તરફથી કેન્દ્ર સરકારને મોટો ઝટકો લાગ્યો છે. સુપ્રીમ કોર્ટે ED ડાયરેક્ટર સંજય મિશ્રાના કાર્યકાળને ત્રીજી વખત લંબાવવાના કેન્દ્રના આદેશને ગેરકાયદેસર ગણાવીને રદ કર્યો હતો. સુપ્રીમ કોર્ટે કહ્યું કે સંજય મિશ્રાને ત્રીજી વખત એક્સટેન્શન આપવું કાયદાની વિરુદ્ધ છે. સુપ્રીમ કોર્ટે કડક ટિપ્પણી કરતા કહ્યું કે, ED ડાયરેક્ટર સંજય કુમાર મિશ્રાનો કાર્યકાળ 31 જુલાઈ 2023 સુધી લંબાવી શકાય નહીં, કેન્દ્ર પાસે નવા ડિરેક્ટરની નિમણૂક કરવા માટે પૂરતો સમય છે. ત્યાં સુધી આ પદ પર માત્ર સંજય કુમાર મિશ્રા જ રહેશે. જોકે સર્વોચ્ચ અદાલતે સેવાના વિસ્તરણને સંચાલિત કરતા કાયદામાં થયેલા સુધારાને સમર્થન આપ્યું હતું, પરંતુ ED ડિરેક્ટરને એક્સટેન્શન આપવાનો આદેશ કાયદેસર રીતે યોગ્ય કહી શકાય નહીં, તેથી આ આદેશને રદ કરવામાં આવી રહ્યો છે.

ત્રીજી વખત કાર્યકાળ લંબાવવા પર હોબાળો

સંજય મિશ્રાની પહેલીવાર 19 નવેમ્બર 2018ના રોજ ED ડાયરેક્ટર તરીકે નિમણૂક કરવામાં આવી હતી. તેઓ બે વર્ષના કાર્યકાળ બાદ નવેમ્બર 2020માં નિવૃત્ત થવાના હતા, પરંતુ તે પહેલા મે મહિનામાં જ તેઓ 60 વર્ષની ઉંમરે પહોંચી ગયા હતા. નવેમ્બર 2020માં તેમનો કાર્યકાળ પૂરો થતાં પહેલા કેન્દ્ર સરકારે તેમનો કાર્યકાળ 2 વર્ષ લંબાવ્યો હતો. જે બાદ સરકાર ફરીથી તેમના એક્સટેન્શનની માગ કરી રહી છે. આ પછી નવેમ્બર 2022માં કેન્દ્ર સરકારે સંજય કુમાર મિશ્રાનો કાર્યકાળ ત્રીજી વખત એક વર્ષ માટે વધાર્યો હતો. આ મુજબ સંજય મિશ્રાનો કાર્યકાળ 18 નવેમ્બર 2023ના રોજ પૂરો થવાનો હતો. પરંતુ સુપ્રીમ કોર્ટે તેના પર પ્રતિબંધ લગાવી દીધો હતો.

ED ડાયરેક્ટરના વિસ્તરણ સામે અરજી દાખલ

ED ડાયરેક્ટરને સતત એક્સટેન્શન મળવાના વિરોધમાં સુપ્રીમ કોર્ટમાં અરજી દાખલ કરવામાં આવી હતી. સુપ્રીમ કોર્ટે આ અરજી પર કેન્દ્ર પાસે જવાબ માગ્યો હતો. એટલું જ નહીં સપ્ટેમ્બર 2021માં સુપ્રીમ કોર્ટે આદેશ પાછો ખેંચવાની કેન્દ્રની અરજી પર સવાલ ઉઠાવ્યા હતા.

આ પણ વાંચો:બિયાસ નદીએ બધું ધોઈ નાખ્યું, છતાં 146 વર્ષ જૂનો વિક્ટોરિયા બ્રિજ ખડકની જેમ ઊભો રહ્યો

આ પણ વાંચો:ગાઝિયાબાદમાં સ્કૂલ બસ અને TUV કારની ટક્કર, છ લોકોના મોત, બે ઘાયલ

આ પણ વાંચો:હિમાચલમાં બે અઠવાડિયામાં 72 લોકોના મોત, ઉત્તરાખંડમાં ઓરેન્જ એલર્ટ; આખરે આકાશમાંથી  કેમ વરસી

આ પણ વાંચો:ભાજપે ફેક્ટ ફાઈન્ડિંગ કમિટીની કરી રચના,હિંસા પ્રભાવિત વિસ્તારોની કરશે મુલાકાત,જાણો વિગત