હવે પંજાબમાં ધારાસભ્યોને માત્ર એક જ પેન્શન મળશે. રાજ્યના મુખ્યમંત્રી ભગવંત માને આ સંદર્ભે સૂચનાઓ જારી કરી છે. આ અંતર્ગત ધારાસભ્યોના પેન્શન ફોર્મ્યુલામાં ફેરફાર થશે. તમને જણાવી દઈએ કે, પંજાબમાં અત્યાર સુધી સિસ્ટમ એવી હતી કે, કોઈ વ્યક્તિ જેટલી વખત ધારાસભ્ય બને છે, તેનું પેન્શન કન્ફર્મ થઈ જતું હતું, પરંતુ હવે કોઈ વ્યક્તિ કેટલી વાર ધારાસભ્ય બને છે, પરંતુ તેને પેન્શન માત્ર એક જ વાર મળશે.
આ પણ વાંચો:વિધાનસભામાં કોંગ્રેસે વીજળીના મુદ્દે સરકારને ઘેરી, લલિત વસોયા-વિમલ ચૂડાસમાએ ઉતાર્યા શર્ટ
ઉલ્લેખનીય છે કે, પંજાબની વિધાનસભા ચૂંટણીમાં આમ આદમી પાર્ટીએ મોટી જીત મેળવ્યા બાદ માને રાજ્યની બાગડોર સંભાળી છે. સીએમ બન્યા બાદ માન ગઈકાલે દિલ્હીમાં વડાપ્રધાન નરેન્દ્ર મોદીને મળ્યા હતા. રાજ્યની તંગી આર્થિક સ્થિતિને ટાંકીને તેમણે વડાપ્રધાન મોદી પાસેથી પંજાબ માટે એક લાખ કરોડ રૂપિયાના પેકેજની માંગણી કરી હતી. તેમણે કહ્યું કે, દર વર્ષે 50,000 કરોડના હિસાબે પંજાબને આગામી બે વર્ષ માટે 1 લાખ કરોડ રૂપિયાની જરૂર છે. જે બાદ વડાપ્રધાને આશ્વાસન આપ્યું હતું કે, નાણામંત્રી સાથે વાતચીત કર્યા બાદ પંજાબને શક્ય તમામ મદદ કરવામાં આવશે.
આ સાથે મુખ્યમંત્રીએ પીએમ મોદીને રાષ્ટ્રીય સુરક્ષા માટે પંજાબ સરકારને સહકાર આપવા વિનંતી પણ કરી છે.
આ પણ વાંચો:જમ્મુ-કાશ્મીર પોલીસ એક્શનમાં, આતંકવાદીઓના સહયોગીઓને આશરો આપનારાઓની મિલકતો જપ્ત કરાઈ
આ પણ વાંચો:ઉત્તરાખંડની પાંચમી વિધાનસભાનું પહેલું સત્ર 29 માર્ચથી શરૂ થશે, આ વખતે હશે ખાસ
