બોલિવૂડ અભિનેતા સોનુ સૂદ વિરુદ્ધ પોલીસ ફરિયાદ નોંધાઈ છે, જે બીએમસીએ દાખલ કરાવી છે. બીએમસીએ મુંબઇના જુહુ પોલીસ સ્ટેશનમાં આ લેખિત ફરિયાદો નોંધાવી હતી.
બીએમસીએ 04 જાન્યુઆરીએ ફરિયાદ નોંધાવી હતી કે સોનુ સૂદે જુહીની એબી નાયર રોડ પર આવેલ શક્તિ સાગર નામની ઈમારત 6 માળની રહેણાંક ઈમારતને એક હોટલમાં રૂપાંતરિત કરી હતી. આ માટે અભિનેતા વિરુદ્ધ ફરિયાદ દાખલ કરવામાં આવી છે. મળતી માહિતી મુજબ, બીએમસીએ જુહુ પોલીસને મહારાષ્ટ્ર પ્રાદેશિક અને ટાઉન પ્લાનિંગ એક્ટ હેઠળ ગુનો નોંધવા જણાવ્યું હતું.
સોનુ સૂદ સામે નોંધાયેલી ફરિયાદમાં જણાવાયું છે કે સોનુએ નોટિસનું પાલન કર્યું નથી અને ફરિયાદ નોંધાયા પછી પણ અનધિકૃત વિકાસ ચાલુ રાખ્યો હતો. અધિકારીઓએ જણાવ્યું હતું કે ગત વર્ષે ઓક્ટોબરમાં બીએમસી દ્વારા મોકલાયેલી નોટિસ સામે સોનુ સૂદે શહેરની સિવિલ કોર્ટમાં અરજી કરી હતી, પરંતુ તેમને વચગાળાની રાહત મળી ન હતી.
બીજી તરફ, અહેવાલો અનુસાર, સોનુ સૂદ કહે છે કે તેમની પાસે જરૂરી પરવાનગી હતી અને તે ફક્ત મહારાષ્ટ્ર કોસ્ટલ ઝોન મેનેજમેન્ટ ઓથોરિટી (એમસીઝેડએમએ) ની મંજૂરીની રાહ જોઈ રહ્યા હતા.
યાદ અપાવી દઈએ કે, સોનુ સૂદ ઘણા લાંબા સમયથી ચર્ચામાં છે. કોરોના યુગમાં તેમણે ઘણા જરૂરીયાતમંદ લોકોને મદદ કરી છે. તેમણે મહારાષ્ટ્રથી સ્થળાંતર થયેલા મજૂરોને તેમના ઘરે મદદ કરી અને વિદેશમાં ફસાયેલા ભારતીયોને પરત લાવવામાં પણ મદદ કરી છે. આ સાથે, તેમણે ઘણા લોકોને રોજગાર પૂરો પાડ્યો અને કેટલાકની સારવારમાં પણ મદદ કરી છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
