World News: ઇઝરાયલમાં એક ભારતીય કામદારનો મૃતદેહ મળી આવ્યો છે. મૃતક ભારતથી ઇઝરાયલ કામ કરવા ગયો હતો. યરુશલેમના કટામોન વિસ્તારમાં એક એપાર્ટમેન્ટમાંથી તેનો લોહીથી લથપથ મૃતદેહ મળી આવ્યો હતો. પોલીસને તેમની શરૂઆતની તપાસમાં હત્યાની શંકા છે. આ કેસના સંદર્ભમાં એક ઇઝરાયલી નાગરિકની ધરપકડ કરવામાં આવી છે. આનાથી ઇઝરાયલ (Israel)માં કામ કરતા અથવા જવાની તૈયારી કરી રહેલા ભારતીયો માટે સુરક્ષા માટે ચિંતાનો વિષય છે. તાજેતરના વર્ષોમાં, ભારત અને ઇઝરાયલ વચ્ચે કરાર થયા છે, જેનાથી ભારતીય કામદારો માટે ત્યાં મુસાફરી કરવાની તકો ખુલી છે.
Israelમાં ભારતીય કામદારનો મૃતદેહ મળ્યો, હત્યાની શંકા; 1 શંકાસ્પદની ધરપકડ
ટાઇમ્સ ઓફ ઇઝરાયલે પોલીસ ને ટાંકીને જણાવ્યું હતું કે 40 વર્ષીય ભારતીય કામદાર (Indian Worker)નો મૃતદેહ ઘરના ફ્લોર પર લોહીના ખાડામાં પડેલો મળી આવ્યો હતો. મોરિયાહ સ્ટેશન પ્રમુખ યુવલ રુવેને જણાવ્યું હતું કે જ્યારે તેઓ ઘટનાસ્થળે પહોંચ્યા ત્યારે તેમણે શરીરની આસપાસ મોટી માત્રામાં લોહી જોયું.
મૃતકની ઓળખ જાહેર કરવામાં આવી નથી ઈઝરાયેલી પોલીસ અધિકારીઓએ મૃતકની ઓળખ જાહેર કરી નથી. પોલીસે (Israel Police)જણાવ્યું હતું કે તાત્કાલિક તપાસ શરૂ કરવામાં આવી છે. મૃત્યુનું ચોક્કસ કારણ હજુ સુધી જાણી શકાયું નથી, પરંતુ તેમને શંકા છે કે તેની હત્યા કરવામાં આવી છે.
ઇઝરાયલી વેબસાઇટ વાયનેટના અહેવાલ મુજબ, પોલીસ તપાસમાં મૃત્યુ પાછળ ગુનાહિત પૃષ્ઠભૂમિ હોવાનું જાણવા મળ્યું છે. ગુનામાં સંડોવણીની શંકાના આધારે દક્ષિણ શહેર ઇલાટમાં 31 વર્ષીય વ્યક્તિની ધરપકડ કરવામાં આવી છે. શંકાસ્પદ વ્યક્તિની પૂછપરછ કરવામાં આવી રહી છે.
ઇઝરાયલમાં ભારતીય કામદારો
તાજેતરના વર્ષોમાં ભારત-ઇઝરાયલ સંબંધોમાં સુધારો થયો છે. ભારતીય વિદેશ મંત્રાલયના ડેટા અનુસાર, ઓક્ટોબર 2024 સુધીમાં ઇઝરાયલમાં આશરે 32,000 ભારતીય કામદારો હતા, જે વિવિધ ક્ષેત્રોમાં કામ કરતા હતા. આગામી પાંચ વર્ષમાં વધારાના 50,000 ભારતીય કામદારો ઇઝરાયલ જાય તેવી અપેક્ષા છે.
આ પણ વાંચો: હોર્મુઝ નજીક ઈરાનના હુમલામાં વધુ એક ભારતીયનું મોત, પરિવારને છેલ્લો મેસેજ હતો ‘અમે સુરક્ષિત છીએ’
આ પણ વાંચો:ઈરાને કુવૈતના પાવર, વોટર પ્લાન્ટ પર હુમલો કર્યો,એક ભારતીયનું મોત
આ પણ વાંચો:ઓમાનના દરિયામાં 16 ભારતીયોને લઈને જતાં જહાજ પર ડ્રોન હુમલો, એકનું કમકમાટીભર્યું મોત
