Vadodra News:વડોદરાનો (Vadodra) એક યુવાન, જે નોકરીની શોધમાં વિદેશ (Abroad) ગયો હતો, તેને છેલ્લા છ મહિનાથી નોકરી મળી નથી, જેના કારણે તેનો પરિવાર ખૂબ જ ચિંતિત છે.આ ઘટનાએ વિદેશમાં કામ કરવા માંગતા યુવાનો માટે ખતરાની ઘંટડી વગાડી છે.શહેરના સંત કબીર રોડ પર રહેતા પરિવારનો એકમાત્ર પુત્ર તુષાર રાણપરા 2024 માં કામ કરવા માટે દુબઈ ગયો હતો. ત્યાંથી તે હોંગકોંગ ગયો, પરંતુ ત્યારથી તેનો પરિવાર સાથેનો સંપર્ક તૂટી ગયો છે. તુષારના માતા-પિતા, નાગર રાણપરા અને નીતા રાણપરા, તેમના પુત્રની સલામતી માટે ચિંતિત છે અને તેમને દુ:ખ છે.
તુષારના પિતાએ વડોદરાના એજન્ટ વેદ અને કુશંગ અને દુબઈના અભિષેક સિંહ સામે સમા પોલીસ સ્ટેશનમાં ફરિયાદ નોંધાવી છે. પરિવારનો આરોપ છે કે આ એજન્ટોએ વિદેશમાં નોકરીના બહાને તુષારને પોતાની જાળમાં ફસાવ્યો હતો.તુષારની માતા, નીતા રાણપરા, અવર્ણનીય પીડામાં છે.આસુઓથી ભરેલી આખોએ તેમણે સરકારને વિનંતી કરી છે કે “મારા દીકરાને પાછો લાવો. તે મુશ્કેલીમાં છે અને તેને ફસાવવામાં આવ્યો છે.”આ ઘટના એવા યુવાનો માટે ચેતવણીરૂપ છે જેઓ ઝડપી પૈસાની લ્હાયમાં આવીને યોગ્ય તપાસ વિના વિદેશ પ્રવાસ કરવાની હિંમત કરે છે. નોકરી માટે વિદેશ પ્રવાસ કરતા પહેલા એજન્ટો અને તમામ દસ્તાવેજોની વિશ્વસનીયતાની સંપૂર્ણ ચકાસણી કરવી ખૂબ જ મહત્વપૂર્ણ છે. તુષાર રાણપરાના પરિવારની દુર્ઘટનાએ વિદેશ પ્રવાસ કરતા પહેલા યુવાનોએ શું સાવચેતી રાખવી જોઈએ તે અંગે ઘણા પ્રશ્નો ઉભા કર્યા છે.
આ પણ વાંચો:વડોદરાના બાજવામાં વરસાદથી માનવસર્જિત પૂર, નાગરિકોમાં રોષ
આ પણ વાંચો:વડોદરાના ઉંડેરામાં પાણી ભરાયું, નાગરિકો 5 દિવસથી હાલાકી વચ્ચે જીવન જીવવા મજબૂર બન્યા
આ પણ વાંચો:વડોદરા: શહેરમાં ફરી બની હિટ એન્ડ રનની ઘટના, યુવતીનું મોત
